ሄዝቦላህ በደቡባዊ ሊባኖስ በእስራኤል ጦር ላይ ከፍተኛ ጉዳት ማድረሱን ስታወቀ

ሄዝቦላህ በ24 ሰዓታት ብቻ ከ300 ሮኬቶች በላይ ወደ እስራኤል ተኩሷል

የሊባኖሱ ሄዝቦላህ ቡድን በደቡባዊ ሊባኖስ እያደረገ ባለው ጦርነት በእስራኤል ጦር ላይ ከፍተኛ ጉዳት ማድረሱን አስታውቋል።

ሄዝቦላህ በቴሌግራም ገጹ ባወጣው መረጃው በተለይ በደቡባዊ ሊባኖስ በእስራኤል ጦር ላይ በወደሰደው እርምጃ በርካችን መግደሉን እና ቁስለኛ ማድረጉን አስታውቋል።

የሄዝቦላህ ቡድን ባጋራው መረጃው የእስራኤል ጦር አባላት ላይ ቴል አል ማዱር በተባለ ስፍራ በመንድ ዳር ባጠመደው ቦምብ ጥቃት እንደፈጸመባቸው አስታውቋል።

• ሄዝቦላህ ከእስራኤል የተቃጣበትን ጥቃት ለመመከት አዲስ ወታደራዊ እዝ ፈጠረ

ወደ ሊባኖሷ ራሚየስ ከተማ ለመግባት እየሞከሩ በነበሩ የእስራኤል ወታደሮች ላይ በተመሳሳይ በተወሰደ የቦምብ ጥቃት የእስራኤል ጦር አባላቱን መግለጹን ነው ሄዘዝቦላህ ያስታወቀው።

ሄዝቦላህ ዛሬ ጠዋት ብቻ ሁለት የእስራኤል ጦር አባላት ላይ ከፍተኛ ጉዳት አድርሻለው ያለ ሲሆን፤ የእስራኤል ጦርም ሁለት ወታሮቹ ዛሬ እንደተጎዱበት አረጋግጧል።

በሄዝቦላህ ተዋጊዎች እና በእስራኤል ጦር መካከል ጦርነቶች አሁንም ቀጥለው እየታከሄደ መሆኑን ነው ቡድኑ ያስታወቀው።

የሄዝቦላህ ሮኬቶች ወደ እስራኤል

የሊባኖሱ ሄዝቦላህ ቡድን ወደ እስራኤል ሮኬቶችን መተኮሱን አሁንም የቀጠለ ሲሆን፤ በ24 ሰዓታት ውስጥ ብቻ ከ300 በላይ ሮኬቶችን ወደ እስራኤል መተኮሱ ተነግሯል።

የእስራኤል ጦር በሰጠው መግለጫ፤ በ24 ሰዓታት ውስጥ ብቻ 320 ሮኬቶች ከሊባኖስ ወደ እስራኤል መተኮሳቸውን አስታውቋል።

ሄዝቦላህ ዛሬም ወደ እሰራኤል ሮኬቶችን መተኮሱን የቀጠለ ሰሆን፤ የእስራኤል ጦር በዛሬው እለት ብቻ ወደ ሃይፋ የተተኮሱ 5 ሮኬቶችን አምክኛለሁ ብሏል።

በኢራን የሚደገፈው ሄዝቦላህ ከእስራኤል ጋር ለሚኖረው የተራዘመ ጦርነት አዲስ ወታራዊ እዝ እንደመሰረተ መነገሩ ይታወሳል።

አዲሱ የሄዝቦላህ ወታራዊ እዝ ሮኬቶች እንዲቶከሱ ትእዛዝ የሚሰጥ እና ከእስራኤል ጋር የእግረኛ ውጊያን የሚያከናውን መሆኑም ለድርጅቱ ቅርበት ያላቸው ምንጮች ያረጋገጡት።

ስማቸው ያልተገለጸ የሄዝቦላህ የጦር አዛዥ በጉዳዩ ላይ በሰጡት አስተያየት አዲሱ እዝ በጠቅላላ በሚስጥር እንደሚሰራ በመግለጽ፤ ስለ አወቃቀሩ ምንም ተጨማሪ ዝርዝር አልሰጡም።

ሄዝቦላህ አሁንም ቢሆን በርካታ መሳሪያዎች በእጁ እንዳለ የሚነገር ሲሆን፤ ከታጠቃቸው መሳሪያዎች መካልም ከዚህ ቀደም ጥቅም ላይ ያላዋላቸው አደገኛ ሚሳዔሎች ይገኙበታል ነው የተባለው።