የሚስቱን ውስልትና በድሮን ታግዞ ያወቀው ባል
ሚስቴ የተለየ ባህሪ አሳይታለች በሚል መከታተል የጀመረው ባል በመጨረሻም ከአለቃዋ ጋር እንደምትወሰልት ደርሶበታል
![](https://cdn.al-ain.com/images/2024/7/18/258-114702-whatsapp-image-2024-07-18-at-10.46.44-am_700x400.jpeg)
ባልየው በድሮን ታግዞ ባደረገው ክትትል በቅርቡ የደመወዝ ጭማሪ ካደረገላት ሌላ ባለትዳር ጋር ስትወሰልት የሚያሳየውን ተንቀሳቃሽ ምስል ለቋል
የሚስቱን ውስልትና በድሮን ታግዞ ያወቀው ባል
ጂንግ በመባል የሚጠራው ቻይናዊ ሰው ስሟ ካልተጠቀሰችው ባለቤቱ ጋር በትዳር ተሳስረው እየኖሩ ነበር፡፡
በአንድ ህንጻ ላይ ነገር ግን በተለያዩ ተቋማት ተቀጥረው ሲሰሩ የተዋወቁት እነዚህ ጥንዶች ከቅርብ ጊዜ ወዲህ ግን ፍቅራቸው ንፋስ ገብቶበታል፡፡
ባልተለመደ መልኩ ቤተሰቦቼን ልጠይቅ እየሄድኩ ነው በሚል ተደጋጋሚ ጥያቄ ለባሏ የምታቀርበው ይህች ሚስት ለመዝናት በባሏ ስትጠየቅም ይቅርታ እየጠየቀች እንደማይመቻት ስትናገር ነበርም ተብሏል፡፡
የሚስቱን ባህሪ መቀያየር ያስተዋለው ባልም በተለያዩ መንገዶች መከታተል ይጀምራል፡፡ ለዚህ ውጥኑም በድብቅ በድሮን የታገዘ ክትትል ሲያደርግየቆየው ባል በመጨረሻም ከአንድ ሰው ጋር ወደ ተሽከርካሪ ስትገባ ያያል፡፡
አሳድጋ ለልጇ ሚስት ለማድረግ የ11 አመት ታዳጊ የጠለፈችው ቻይናዊ ዘብጥያ ወረደች
እስከ መጨረሻው ባደረገው ክትትልም ሚስቱ ከሌላ ሰው ጋር እየወሰለተች መሆኑን ያወቀ ሲሆን በሰውየው ላይ ባደረገው ክትትልም አለቃዋ መሆኑን ያውቃል፡፡
ከሚስቱ ጋር ሲወሰልት የነበረው ሰውም ባለትዳር መሆኑን ሚስቱም በተመሳሳይ ህንጻ ላይ የምትሰራ እንደሆነች ተገልጿል፡፡
በቅርቡ የደመወዝ እና የስራ እድገት ከሰጣት ሰው ጋር እየወሰለተች መሆኑን ያወቀው ባልም ማስረጃውን በመያዝ ፍቺ ለመጠየቅ እየተናዳ መሆኑን ተናግሯል፡፡
ሚስትየው ከአለቃዋ ጋር ሆና ወደ ተለያዩ መዝናኛ ቦታዎች ሲገቡ እና ሲወጡ የሚያሳዩ ተንቀሳቃሽ ምስሎች በማህበራዊ ትስስር ገጾች ላይ መለቀቃቸውን ተከትሎ የብዙዎችን ትኩረት ስቧል ሲል ኦዲቲ ሴንትራል ዘግቧል፡፡