የአይሲሲ አቃቤ ህግ ሱዳን የዳርፉር ተጠርጣሪዎችን አሳልፋ እንድትሰጥ አሳሰበ

ቤንሱዳ አልበሽርና ሌሎች ለፍ/ቤቱ ተላልፈው እንዲሰጡ ከሱዳን ባለስልጣናት ጋር በነበራቸው ስብሰባ ማሳሰባቸውን ገልጸዋል

የአለምአቀፍ የጦር ፍርድ ቤት(አይሲሲ) ዋና አቃቤ ህግ ፋቱ ቤንሱዳ ረቡዕ እለት ለተባበሩት መንግስታት የፀጥታው ም/ ቤት ገለጻ ባደረጉበት ወቅት ፍርድ ቤቱ በሱዳን ዳርፉር ለሚገኙት የግፍ ሰለባዎች እስካሁን ፍትህ አላመጣም በማለት በምሬት ተናግረዋል ፡፡

ቤንሱዳ እንዳሉት ባለፈው ሳምንት አነጋገርናቸው ያሏቸው የዳርፉር ተጎጂዎች በሱዳን የሽግግር መንግስት በእስር ላይ የሚገኙትና በፍርድ ቤቱ የተጠየቁ ሶስት ተጠርጣሪዎችን ተላልፈው እንዲሰጡላቸው ጠይቀዋል ብለዋል፡፡

ሶስቱ ተጠርጣሪዎች-የቀድሞው ፕሬዝዳንት ኦማር አልበሽር በዘር ማጥፋት ወንጀል የተከሰሱ፣ የቀድሞው የመከላከያ ሚኒስትር አብደል ራሄም ሁሴን እና የቀድሞው የሀገር ውስጥ ሚኒስትር እና ገዥ አህመድ አሮን መሆናቸውን ቤንሱዳ ተናግረዋል፡፡

ኋላፊነታቸው በፈረንጆቹ ሰኔ 15 የሚያበቃው ቤንሱዳ በበኩሏ በፈረንጆቹ 2005 ምክትል ዐቃቤ ሕግ በነበረችበት ወቅት እዚያ በሚፈፀሙ ወንጀሎች በፀጥታው ም / ቤት ለፍርድ ቤት ከቀረበ ወዲህ በዳርፉር ላይ እንዳተኮረች ገልፃለች ፡፡

አቃቤ ህጓ ቤንሱዳ በሱዳን ዳርፉር የመጀመሪያ ጉብኝት አካሂደዋል፤ ጉዞውን የማይረሳ ብለውታል፡፡ቤንሱዳ “ወደፊት ያለው መንገድ ረዥም እና በአደጋዎች የተሞላ ነው” ሲሉ አስጠንቅቀዋል፡፡

በኤፕሪል 2019 ሲቪል አገዛዝን በሚጠይቁ የብዙ ህዝባዊ ተቃውሞዎች ላይ የሱዳን ሽግግር ከአልበሽር መወገድ በኋላ“ገና በጅምር ላይ ነው” ብለው ነበር ቤንሱዳ፡፡

ሰፊው የዳርፉር ክልል በፈረንጆቹ 2003 ከክልሉ የጎሳ ማዕከላዊ እና ከሰሃራ በታች ካሉ የአፍሪካ ህብረተሰብ የተውጣጡ አማፅያን በካርቱም ውስጥ በአረቦች ቁጥጥር ስር የዋለውን መንግስት በአድሎአዊነት እና በቸልተኝነት በመወንጀል አመፅ ሲጀምሩ ነበር ፡፡

ቤንሱዳ ከሉዓላዊ ም/ ቤት ኃላፊ ጄኔራል አብዱልፈታህ ቡርሃን እና ጠቅላይ ሚኒስትር አብደላ ሀምዶክን ጨምሮ ከሱዳን የመንግስት ባለስልጣናት ጋር ባደረጉት ስብሰባ አልበሽር እና የሌሎች ባለስልጣናት ለፍርድቤቱ ተላልፈው እንዲሰጡ አሳስበዋል፡፡