ሊቨርፑል አሰልጣኝ የርገን ክሎፕን እንደሚያሰናብት አስታወቀ

አሰልጣኙ ሊቨርፑል ከዓመታት በኋላ የፕሪሚየር እና ቻምፒዮንስ ሊግን እንዲያሸንፍ አድርገዋል

ሊቨርፑል አሰልጣኝ የርገን ክሎፕን እንደሚያሰናብት አስታወቀ።

ጀርመናዊ አሰልጣኝ የርገን ክሎፕ ከስምንት ዓመታት በኋላ ከሊቨርፑል እግር ኳስ ክለብ ጋር እንደሚለያዩ ተገልጿል።

ክለቡ ሊቨርፑል እንዳስታወቀው አሰልጣኝ የርገን ክሎፕ ከዘንድሮ ውድድር መጠናቀቅ በኋላ ክለቡን ይለቃሉ ብሏል።

የ56 ዓመቱ አሰልጣኝ ክሎፕ ሊቨርፑልን የፕሪሚየር ሊግ እና ቻምፒዮንስ ሊግ ዋንጫ እንዲያሸንፍ አድርገዋል።

አሰልጣክሎፕ እንዳሉት "በሊቨርፑል ቤት የነበረኝ ጊዜ ስኬታማ ነበር በአንፊልድ ሁሉንም ነገሮች እወዳቸዋለሁ" ብለዋል።

"አንድ ቀን እንደምሄድ አውቅ ነበር ይህ ጊዜ ደሞ አሁን ነው" ያሉት አሰልጣኙ በሊቨርፑል ደስተኛ እንደነበሩም ተናግረዋል።

በፈረንጆቹ 2015 ላይ ሊቨርፑልን የተቀላቀሉት አሰልጣኝ ክሎፕ ቻምፒዮንስ እና እንግሊዝ ፕሪሚየር ሊግን ጨምሮ የዓለም ክለቦች ዋንጫ፣ ኤፍኤካፕ፣ ሊግ ካፕ፣ ሱፐር ካፕ እና ኮሙኒቲ ሺልድ ዋንጫዎችን ከሊቨርፑል ጋር አሳክተዋል።

አሰልጣኝ ክሎፕ ሊቨርፑልን ከለቀቁ በኋላ ወዴት እንደሚያመሩ ያልተገለጸ ቢሆንም የጀርመን ብሔራዊ ቡድንን ሊረከቡ እንደሚችሉ ይጠበቃል።