ሰሜን ኮሪያ “አስፈሪ የማጥቃት አቅም” መገንባቷን ትቀጥላለች- ኪም ጆንግ ኡን

ሰሜን ኮሪያ ግዙፉን ህዋሰኦንግ-17 አህጉር አቋራጭ ሚሳዔል ሙከራ አድርጋለች

ሰሜን ኮሪያ “ለማንም የማይታለል እና የማይገዛ አስፈሪ የማጥቃት አቅም መገንባቷን እንደምትቀጥል” የሀገሪቱ መሪ ኪም ጆንግ ኡን አስታወቁ።

ኪም ጆንግ ኡን ባሳለፍነው ሀሙስ በተካሄደው እና በሀገሪቱ ግዙፍ በተባለለት የሚሳዔል ሙከራ ላይ የተሳተፉ ሰራተኞችን በጎበኙበት ወቅት ይህንን መናገራቸውን የሀገሪቱ መገናኛ ብዙሃን ዘግበዋል።

• “አውሬው” የሚል መጠሪያ የተሰጠው የሰሜን ኮሪያው ህዋሰኦንግ-17 ሚሳዔል

ሰሜን ኮሪያ ባለፍነው ሀሙስ “አውሬው” የሚል መጠሪያ የተሰጠውን ግዙፉን ህዋሰኦንግ-17 አህጉር አቋራጭ ሚሳዔል (አይ.ሲ.ቢ.ኤም) ሙከራ ማድረጓ ይታወሳል።

ኪም ጆንግ ኡን በሚሳዔል ማስንጨፍ ሙከራ ላይ ከተሳተፉ ሳይንቲስቶች፣ ቴክኒሻኖች እና ሌሎችም ሰራተኞችን አግኝተው ማናገራቸው ተሰምቷል።

“የሚፈራ የማጥቃት አቅም በሚኖረን ጊዜ ያለንን ወታደራዊ አቅም ማንኛውም አካል ሊያቆመው አይችልም” ያሉት ኪም፤ “ማንም ሰው ጦርነትን ማስቀረት አይችልም፤ ነገር ግን በኢምፔሪያሊስቶች የሚደረጉ ትንኮሳዎችን መቆጣጠር የሚቻለው በጠንካራ ሰራዊት ነው” ብለዋል።

ሀገራቸው ሰሜን ኮሪያ ባሳለፍነው ሀሙስ ያካሄደችው ህዋሰኦንግ-17 አህጉር አቋራጭ ሚሳዔል (አይ.ሲ.ቢ.ኤም) ሙከራ አሜሪካ የምትወስደውን ማንኛውንም ወታደራዊ እርምጃ ለመከላከል የሚረዳ መሆኑን ኪም ተናግረዋል።

• የፈረንጆቹ 2022 ከገባ ወዲህ ሰሜን ኮሪያ ለ9ኛ ጊዜ ሚሳየል አስወነጨፈች

ኪም ጆን ኡን አክለውም የመከላከያ ኃይላቸው ለማንም የማይገዛ እና የማይታለል፤ ከባድ ፈተናዎች እና ችግሮች ቢያጋጥሙትም በፅናት እንደሚቆይ ተናግረዋል።

ኪም የሀገሪቱን የኒውክሌር ሃይል እንደማሳያነት በመጥቀስ ሰሜን ኮሪያ "ፍፁም የሆነ እና ጠንካራ ስትራቴጂካዊ ሀይል መገንባቷን ትቀጥላለች" ብለዋል።