የኩዌት ኤሚር ናዋፍ አል-አሕመድ አል-ሳባህ ከዚህ ዓለም በሞት ተለዩ

ኤሚር ናዋፍ አል-አሕመድ አል-ሳባህ በፈረንጆቹ 2020 ነበር ኩዌትን መምራት የጀመሩት

የኩዌት ኤሚር ሼክ ናዋፍ አል-አሕመድ አል-ሳባህ ከዚህ ዓለም በሞት ተለዩ።

በህዳር ወር መጀመሪያ አካባ ያጋጠማቸውን ጤና ቸግር ተከትሎ ወደ ሆስፒታል የገቡት ሼክ ናዋፍ አል-አሕመድ አል-ሳባህ በ86 ዓመታቸው አርፈፈዋል።

ሼክ ናዋፍ አል-አሕመድ አል-ሳባህ ከሦስት ዓመት በፊት በፈረንጆቹ 2020 በሥልጣን ላይ የነበሩትን የወንድማቸውን ሕልፈት ተከትሎ ነበር ወደመሪነት የመጡት።

የሀገሪቱ የመንግስት በቴሌቪዥን ዛሬ ባሰራጨው መግለጫ፤ “በታላቅ ሀዘን ሼክ ናዋፍ አል-አሕመድ አል-ሳባህ ከዚህ ዓለም በሞት መለየታቸውን እናሳውቃለን” ብሏል።

• ኩዌት አልጋ ወራሽ ሼክ ንዋፍ አል አህመድ አልሳባህን በሞቱት አሚር ቦታ ተካች

በፈረንጆቹ በ1937 የተወለዱት ሼክ ናዋፍ አል-አሕመድ አል-ሳባህ የኩዌት የቀድሞ ገዥ ሼክ አህመድ አል-ጀብር አል ሳባህ አምስተኛ ልጅ ነበሩ።

ሼክ ናዋፍ አል-አሕመድ አል-ሳባህ በፈረንጆቹ በ2006 የልኡል አልጋ ወራሽነትን ስፍራ የያዙ ሲሆን፤ በፈረንጆቹ 2020 ደግሞ የኩዌት ኤሚር በመሆን ተሹመዋል።

ሼክ ናዋፍ አል-አሕመድ አል-ሳባህ ህልፈትን ተከትሎ ልኡል አልጋ ወራሽ የነበሩት የ83 ዓመቱ ሼክ ማሻል አል አህመድ አል ሳባህ የኩዌት ኤሚርነት ስፍራን ተረክበዋል።