በሰሜን ለንደን ደርቢ አርሰናል ድል ቀንቶታል

በጨዋታው የአርሰናልን ብቸኛ የማሸነፊያ ግብ ጋበሬል ማግሀሌስ በ60ኛው ደቂቃ አስቆጥሯል

በሰሜን ለንደን ደርቢ አርሰናል ድል ቀንቶታል።

ተጠባቂው የሰሜን ለንደን ደርቢ ጨዋታ አርሰናል ቶትንሃምን 1ለ0 በሆነ ውጡት በመርታት 3 ነጥብ ይዞ መውጣት ችሏል።

አርሰናልን በሜዳው ያስተናገደው ቶትንሃም ቶትንሃ ሆትስፈር ፕሪምየር ሊጉ ከተጀመረ ካደረጋቸው 4 ጨዋተዎች ውስጥ ሁለተኛ ሽንፈቱን አስተናግዷል።

በጨዋታው ላይ የአርሰናልን ብቸኛ የማሸነፊያ ጎል ጋበሬል ማግሀሌስ በ60ኛው ደቂቃ ላይ ከማዕዘን የተሸገረለትን ኳስ በግንባሩ ገጭቶ ከመረብ ማሳረፍ ችሏል።

የጨዋታውውጤት ተከትሎም አርሰናል በፕሪምየር ሊጉ የደረጃ ሰንጠረዥ በ10 ነጥብ ሁለተኛ ደረጃ ለይ ተቀምጧል።

ትናንት በተደረገ ጨዋታ በውጤት ማጣት ትችትን ሲያስተናግድ የቆየው ማንችስተር ዩናይትድ በአመቱ ሁለተኛ ድሉን አስመዝግቧል፡፡

ቡድኑ ከሜዳው ውጭ ከሳውዝ ሀምፕተን ጋር ትናንት ከሰአት በኋላ ባደረገው ጨዋታ 3 ለ0 በሆነ ውጤት ማሸነፍ ችሏል፡፡

በጫና ውስጥ የሚገኙት አሰልጣኝ ኤርክ ቴንሀግ በቅዱሳኖቹ ሜዳ ከነበረባቸው ውጥረት እረፍት የሚወስዱበትን ወሳኝ ሶስት ነጥብ አግኝተዋል፡፡ ይህን ተከትሎም በሊጉ 6 ነጥቦችን በመያዝ 8ተኛ ደረጃ ላይ ተቀምጧል ።

አራተኛ ሳምንት መርሐግብር ቼልሲ ከበርንማውዝ ጋር ያደረገውን ጨዋታ 1ለ0 በሆነ ውጤት ማሸነፍ ችሏል።

ትናንት በደረጉ አራተኛ ሳምንት መርሐ ግብር ማንችስተር ሲቲ ብሬንትፎርድን 2ለ1 ሲያሸንፍ ሊቨርፑል የአመቱ የመጀመሪያ ሽንፈቱን አስተናግዷል።

ፕሪምየር ሊጉን ማንቸስተር ሲቲ በ12 ነጠብ በመምራት ላይ ይገኛል።