ደቡባዊ አፍሪካዊቷ ሀገር ማላዊ በኮሌራ ወረርሽኝ ምክንያት ትምህርት ቤቶች ተዘግተው እንዲቆዩ ወሰነች

በፈረንጆቹ 2022 የኮሌራ ወረርሽኝ በተከሰተባቸው 30 በሚሆኑ የአለም ሀገራት የሞት መጠን እየጨመረ መሆኑን የዓለም ጤና ድርጅት ገልጿል

ደቡባዊ አፍሪካዊቷ ማላዊ ሁለቱ ዋና ዋና ከተሞች ብላንታይር እና ሊሎንግዌ የህዝብ ትምህርት ቤቶችን የመክፋቻ ጊዜን በማዘግየት የኮሌራ ሞትን ለመቀነስ ጥረት ማድረጓን የጤና ጥበቃ ሚኒስትሩ ሰኞ አስታወቁ።

በመጋቢት 2022 በቫይረሱ የተያዙ ሰዎች ቁጥር 17824 እና 595 መድረሱን ሲጂቲኤን ዘግቧል፡፡

የሟቾች ቁጥርም ወደ 3ነጥብ34 በመቶ ከፍ ማለቱን የጤና ጥበቃ ሚኒስቴር አስታወቀ።

ኮሌራ ከህዳር እስከ መጋቢት ባለው የማላዊ ዝናባማ ወራት የዓመት ችግር ሲሆን የሟቾች ቁጥር በአመት 100 አካባቢ ነው። አሁን ያለው ወረርሽኝ ግን እጅግ የከፋ እንደሚሆን ይጠበቃል።

"በብላንታይር እና ሊሎንግዌ ከተሞች የኮሌራ በሽታ እና ሞት መጨመሩን ተከትሎ በሁለቱ ከተሞች ያሉ የመጀመሪያ ደረጃ እና ሁለተኛ ደረጃ ትምህርት ቤቶች ጥር 3 ቀን አይጀምሩም" ሲሉ የጤና ጥበቃ ሚኒስትር ኩምቢዜ ቺፖንዳ በሰጡት መግለጫ ተናግረዋል ።

ኩምቢዜ ቺፖንዳ አዲስ የሚከፈትበት ቀን ቆይቶ እንደሚገለጽ ተናግራለች።

በፈረንጆቹ 2022 የኮሌራ ወረርሽኝ በተከሰተባቸው 30 በሚሆኑ የአለም ሀገራት የሞት መጠን እየጨመረ መሆኑን የተባበሩት መንግስታት የጤና ኤጀንሲ ገልጿል።

ኮሌራ በተበከለ ምግብ ወይም ውሃ ይተላለፋል እና አጣዳፊ ተቅማጥ ያስከትላል። ብዙ ሰዎች ቀላል ምልክቶች አሏቸው ነገርግን ካልታከሙ በሰአታት ውስጥ ሊገድል ይችላል።

በማላዊ ውስጥ ተጎጂዎች በሕዝብ ጤና ጣቢያዎች ውስጥ ያሉ የሕክምና ባለሙያዎችን ያካትታሉ።

ቺፖንዳ እንደ ገበያዎች እና ትምህርት ቤቶች ያሉ የተጨናነቁ ቦታዎችን ለመበከል ክሎሪን መርጨትን እና ክትባቶችን መጨመርን ጨምሮ የቁጥጥር እርምጃዎችን እንዲያጠናክሩ ባለሥልጣናት ጠይቋል ።