ታማኞች ናቸው የተባሉት የቻይናው ፕሬዝደንት ዢ አዲሱ ካቢኔ አባላት እነማን ናቸው…?

የቻይና ኮሙኒስት ፓርቲ ሰባት አባላት ያሉት የፖሊት ቢሮ ቋሚ ኮሚቴ ይፋ አድርጓል

ለ3ኛ ጊዜ የስልጣን ዘመን ያሸነፉት የቻይናው ፕሬዝደንት ዢ አዲሱ ካቢኔያቸውን ታማኞች በሚሏቸው ሰዎች አዋቅረዋል።

የቻይና ኮሙኒስት ፓርቲ ሀገሪቱን ለሚቀጥሉት አምስት ዓመታት የሚመሩትን ሰባት አባላት ያሉት የፖሊት ቢሮ ቋሚ ኮሚቴ በመሪው ዢ ጂንፒንግ ይፋ አድርጓል።

• ፕሬዝዳንት ዢ ጂን ፒንግ የቻይና ኮሚንስት ፓርቲን ለቀጣዮቹ አምስት ዓመታት እንዲመሩ ተመረጡ
• የቻይናው ፕሬዝደንት ዢ አዲሱ ካቢኔያቸውን ታማኞች በሚሏቸው ሰዎች አዋቀሩ

ሰባት ሰዎች ያሉት ቋሚ ኮሚቴ፣ የቻይና ከፍተኛ የአስተዳደር አካል ሲሆን፤ ከቀድሞ ኮሚቴ የተመለሱት ዣኦ ሌጂ እና ዋንግ ሁኒንግ እና አዲስ የተሾሙት ካይ ቺ፣ ዲንግ ሹዌሺያንግ እና ሊ ዢ ናቸው። ሊ ኪያንግም ለቋሚ ኮሚቴው አዲስ ናቸው ተብሏል፡፡

ሰባቱ የቋሚ ኮሚቴ አባላትን

1 ዢ ጂንፒንግ

የ69 ዓመቱ የቻይና ፕሬዝዳንት ዢ ጂን ፒንግ የኮሙኒስት ፓርቲ ሊ መንብር በመሆን ለ3ኛ ጊዜ መመረጥ የቻሉ ሲሆን፤ ፐሬዝዳንት ዢ ጂን ፒንግ የፓርቲው ሊቀ መንብር ከሆኑበት ከፈረንጆቹ 2012 ጀምሮ በቻይና ከፍተኛ ለውጦችን እንዳመጡ የሚነገርላቸው መሪ ናቸው።

2 ሊ ኪያንግ

የሻንጋይ የቀድሞ የፓርቲ ዋና አዛዥ ሊ ኪያንግ የፕሬዝዳንት ዢ የቅርብ ሰው እንደሆኑ የሚነገርላቸው ሲሆን፤ በፓርቲው የስልጣን ተዋረድ ውስጥ ሁለተኛ ደረጃ ላይ የተቀመጡ ቁልፍ ሰው መሆናቸው ይነገራል።

የተሰጣው የደረጃ እድገት በሚቀጥለው መጋቢት ወር የህግ አውጭ ስብሰባዎች ላይ ጠቅላይ ሚኒስትር ተደርገው እንዲሰየሙ የሚያስችላቸው ነው ተብሏል።

3 ዣኦ ሊጂ

የ65 አመቱ የቀድሞ የኮሙኒስት ፓርቲ ከፍተኛ የፀረ-ሙስና ተቆጣጣሪ የነበሩ ሲሆን፤ የቋሚ ኮሚቴ አባል ሆነው በመቀጠላቸው በፓርቲው የስልጣን ተዋረድ ውስጥ ቁጥር ሶስት ሆነው ተቀምጠዋል።

ዣኦ ሊጂ ከፈረንጆቹ 2012 ጀምሮ የፓርቲውኤክስፐርት ዳይሬክተር እንዲሁም የሁለት ክልሎች የፓርቲ ፀሐፊ እና የፖሊት ቢሮ አባል ሆነው ሰርተዋል።

4 ዋንግ ሆንግ

በኮሙኒስት ፓርቲ የስልጣን ተዋረድ ውስጥ 4ኛ ቁልፍ ሰው የሆኑት ዋንግ ሆንግ የቋሚ ኮሚቴው የአሁኑ ሲሆኑ፤ የፕሬዚዳንት ሺ ርዕዮተ ዓለም ቄሳር ተብለው ይጠራሉ።

የ67 ዓመቱ የቀድሞ የዩኒቨርሲቲ ፕሮፌሰር ዋንግ ሆንግ የቀድሞ እና የአሁን የቻይና ፕሬዚዳንቶች ርዕዮተ ዓለም የጻፉ ሲሆን፤ “የቻይና ህልም” የሚለው የቻይናው ፕሬዝዳንት ዢ ጂን ፒንግ መፈክር ጀርባ ያሉ ዋነኛ መሃነዲስ ናቸው።

5 ፃይሂ ቺ

የወቅቱ የፓርቲው ዋና ከተማ ቅርንጫፍ ኃላፊ የሆኑት ፃይሂ ቺ ወደ ቋሚ ኮሚቴ በማደግ የፓርቲውን የዕለት ተዕለት ጉዳዮች የሚመራው የጠቅላይ ጽህፈት ቤት ኃላፊ ሆነዋል።

የ66 አመቱ አዛውንት ፃይሂ ቺ በዜጂያንግ እና በፉጂያን ግዛቶች በነበራቸው ቆይታ ከፕሬዚዳንት ዢ የቅርብ የፖለቲካ አጋር ተደርገው ይወሰዳሉ።

6 ዴንግ ቹቻንግ

የፖሊት ቢሮ አባል እና የፕሬዝዳንት ዢ ከፍተኛ ረዳት የነበሩት ዴንግ ቹቻንግ ወደ ቋሚ ኮሚቴነት ከፍ እንዲል ተደርገዋል።

የ60 ዓመቱ ዴንግ ቹቻንግ በሀገሪቱ መገናኛ ብዙሃን ላይ ፊታቸው በብዛት የሚታወቅ ሲሆን፤ ከፕሬዚዳንት ዢ ጋር በመደበኛነት በይፋዊ ጉዳዮች ላይ አብረው የሚሰሩ እና ከአለቃቸው በጣም የራቁ አይደሉም።

7 ሜ ሺ

የፖሊት ቢሮ አባል እና የኢኮኖሚ ሃይል የሆነቸው ጓንግዶንግ ግዛት የፓርቲ ሀላፊ የሆኑት ሜ ሺ ወደ ቋሚ ኮሚቴነት ከፍ ብለዋል።

የ66 አመቱ ሜ ሺ የኃይለኛው ማዕከላዊ ኮሚሽን የዲሲፕሊን ኢንስፔክሽን ሃላፊ እንዲሁም የፓርቲው ፀረ-ስርቆት ተቆጣጣሪ መሆናቸው መረጋገጡን የሺንዋ የዜና አገልግሎት ዘገባ ያመለክታል።