እየተጠናቀቀ ባለው 2023 ዓመት በብዛት በበይነ መረብ ላይ የተፈለጉ ሰዎች እነማን ናቸው?

ቴይለር ስዊፍት፣ ሊዮኔል ሜሲ እና ክርስቲያኖ ሮናልዶ ከቀዳሚዎቹ ተርታ መካከል ዋነኞቹ ናቸው

እየተጠናቀቀ ባለው 2023 ዓመት በብዛት በበይነ መረብ ላይ የተፈለጉ ሰዎች እነማን ናቸው?

የፈረንጆቹ 2023 ዓመት ሊጠናቀቅ የመጨረሻ ቀናቶቹ ላይ ይገኛል።

ዓመቱ በኮሮና ቫይረስ ምክንያት የተቀዛቀዙ የሰው ልጆች እንቅስቃሴ ወደ ቀድሞ ቦታዎቹ የተመለሱበት ዓመት ነበር ተብሏል።

ይሁንና ይህ ዓመት አስከፊ የአየር ንብረት ለውጥ የተመዘገበበት፣ በርካታ ስፖርታዊ ሁነቶች የነበሩበት፣ ቱሪዝም፣ ጉዞዎች እና ኮንሰርቶች በብዛት የተካሄዱበት አመት ሆኖም አልፏል።

ይህ በዚህ እንዳለ በዚህ ዓመት በበይነ መረብ ላይ በብዛት የተፈለጉ ግለሶች ዝርዝር ይፋ ሆኗል።

እንደ ጎግል መረጃ ከሆነ ሙዚቀኛዋ ቴይለር ስዊፍት በቀዳሚነት በተጠናቀቀው ዓመት በብዛት የተፈለገች ሰው ስትሆን ተቀናቃኞቹ ሊዮኔል ሜሲ እና ክርስቲያኖ ሮናልዶ ሁለተኛ እና ሶስተኛ ደረጃን ይዘዋል።

ከፖለቲከኞች ደግሞ ዶናልድ ትራምፕ በበይነ መረብ ላይ ብዙ ሰዎች የፈልጓቸው ሰው ተብለዋል።

የዓለማችን ቁጥር አንድ ባለጸጋ ኢለን መስክ በዓለም በይነ መረቦች ላይ በመፈለግ በ10ኛ ደረጃ ላይ ተቀምጠዋል።