የኢለን መስኩ ኒውራ ሊንክ ሁለተኛውን ቺፕ በሰው ልጅ አዕምሮ ውስጥ ገጠመ

ኒውራሊንክ ኩባንያ በነርቭ ጉዳት ምክንያት የመንቀሳቀስ ችግር ላጋጠማቸው ሰዎች ተስፋን ይዞ መጥቷል

የኢለን መስኩ ኒውራ ሊንክ ሁለተኛውን ቺፕ በሰው ልጅ አዕምሮ ውስጥ ገጠመ፡፡

የአሜሪካዊው ቢሊየነር ኢለን መስክ ንብረት የሆነው የባዮ ቴክኖሎጂ ኩባንያ ኒውራሊንክ ባለፈው ጥር ወር የመጀመሪያውን ችፕስ በሰው አእምሮ ውስጥ መቅበሩ ይታወሳል፡፡

የመስክ ባዮቴክ ኩባንያ የ30 አመት እድሜ ባለው ግለሰብ ላይ ለመጀመሪያ ጊዜ ችፕስ የገጠመው ባለፈው ጥር ወር ነበር።

ኩባንያው አሁን ደግሞ ሁለተኛውን ሙኩራ አሌክስ በሚል ስም ለሚጠራ አካል ጉዳተኛ አዕምሮ ውስጥ መግጠሙን እና ግለሰቡም ለውጥ ማሳየት ጀምሯል ብሏል።

የሳንቲም መጠን ያላትን ቺፕስ የሰው ልጅን እንቅስቃሴ ፍላጎት ከሚያዘው የአእምሮ ክፍል ላይ በቀዶ ጥገና እንድትቀመጥ የሚደረግ ነው።

ይህቺ ቺፕስ የአእምሮን እንቅስቃሴ በመመዝገብ እና የእንቅስቃሴ ፍላጎትን ወደሚተረጉም ማቀላጠፊያ መተግበሪያ ወይም አፕ ለማስተላለፍ ጥቅም ላይ ትውላለች።

በአዕምሮ ምጥቀት (አይኪው) ቀዳሚ የአፍሪካ ሀገራት

በጀርባው ላይ በደረሰበት ጉዳት የእጅ እና እግር መገጣጠሚያ አጥንቶቹን ማንቀሳቀስ አይችልም የተባለው አሌክስ ይህች የኒውራሊንክ ችፕስ ከተገጠመችለት በኋላ በኮምፒውተር ጌም መጫወት ጀምሯል ሲል ዩሮ ኒውስ ዘግቧል፡፡

እንደ ዘገባው ከሆነ ግለሰቡ በተገጠመለት ቺፕስ አማካኝነት አልታዘዝ ሲሉ የነበሩት የተወሰኑት ነርቮቹ መንቀሳቀስ ጀምረዋል፡፡

ኩባንያው እንዳለው በቀጣይ ቀስ በቀስ ነርቮቹ ሙሉ ለሙሉ እንዲታዘዙ ለማድረግ ማለማመዶች እና ተያያዥ ስራዎች ይሰራሉ ብሏል፡፡

ቺፕሱ የተገጠመለት አሌክስ በበኩሉ ለአዕምሬዬ ተስማሚ ቅርጽ ያላት ቺፕስ ከተገጠመልኝ ጊዜ ጀምሮ ህይወቴን እንደ አዲስ እየገነባሁ እንዳለሁ ይሰማኛል ሲል ተናግሯል፡፡