በቅርቡ የተመረጡት የኬንያው ፕሬዝደንት የድርቅ ተጽእኖን ለመቋቋም ግብረኃይል እንዲቋቋም አዘዙ

በኬንያ ያለው የድርቅ ሁኔታ በሰሜን ምስራቅ ክልል የእንስሳት ህይወት እንዲያልፍ በማድረግ አርብቶ አደር ማህበረሰቦችን ለከፋ ውድመት ዳርጓል

በቅርብ የተመረጡት የኬንያወ ፕሬዝደንት ዊሊያም ሩቶ በሀገሪቱ ድርቅ የሚያስከትለውን ተጽእኖ ለመቋቋም የሚያስችል ግብረኃይል እንዲያቋቁም ለምክትላቸው ትእዛት ሰጥተዋል፡፡

ዊሊያም ሩቶ ይህን ያሉት ምርጫ ማሸነፋቸውን ምክንያት በማድረግ በተዘጋጀ የምስጋና መርሃግብር ላይ ነው፡፡

• አዲሱ የኬንያ ፕሬዝዳንት ለአፍሪካ ሀገራት የእዳ ስረዛ እንዲደረግ ጠየቁ

ብዙ ሰዎችን እያሰጋ ያለው የድርቅ ሁኔታችን ላይ እንድንሰራ ቡድኖቹን እንድያሰባስብ ምክትሌን ጠይቄያለሁ። የተወሰነ ምግብ አዘጋጅተናል። ማንም ኬንያዊ እንዳይኖር ከገዥዎች እና ከሌሎች አመራሮች ጋር እየሰራን ነው። በረሃብ ምክንያት ይሞታል" ብለዋል ሩቶ።

ኬንያ ከ36 ሚሊዮን በላይ ሰዎችን ያጠቃው ታሪካዊ ድርቅ ካጋጠማቸው የአፍሪካ ቀንድ ሀገራት አንዷ ነች።

በተመድ መረጃ መሰረት በኢትዮጵያ ቢያንስ 24ነጥብ1 ሚሊዮን፣ በሶማሊያ 7ነጥብ 8 ሚሊዮን እና በኬንያ 4 ነጥብ 2 ሚሊዮን በከባድ ድርቅ በጥቅምት ወር ይጎዳሉ።

የተመድ የሰብአዊ ጉዳዮች ማስተባበሪያ ፅህፈት ቤት እንዳስታወቀው ይህ አሃዝ 19 ነጥብ 4 ሚሊዮን የሚገመቱ ሰዎች በድርቅ ከተጎዱበት ከሐምሌ ወር ከፍተኛ ጭማሪ አሳይቷል።

በኬንያ ያለው የድርቅ ሁኔታም በሰሜን ምስራቅ ክልል የእንስሳት ህይወት እንዲያልፍ በማድረግ አርብቶ አደር ማህበረሰቦችን ለከፋ ውድመት ዳርጓል።