የቻይናና የሩሲያ የባህር ኃሎች በፓስፊክ ውቂያኖስ ላይ የውጊያ ልምምድ አካሄዱ

የጦር ልምምዱ በሩሲያና በቻይና ባህር ኃሎች መካከል ያለውን ትብብር ለማጠናከር ያለመ ነው

የቻይና እና የሩሲያ ባህር ኃይሎች በፓስፊክ ውቂያኖስ ላይ ታክቲካዊ የውጊያ ልምምድ ማድረጋቸው ተገለፀ።

በጦር ልምምዱ ላይ የሩሲያ ባህር ኃይል አባላት ከቻይና አቻቸው ጋር የኮሙዩኒኬሽን እና ሌሎችም ወታደራዊ ልምምዶችን ማድረጋቸውን አር.ቲ ዘግቧል።

• የቻይናና የሩሲያ ወታደሮች የጋራ የጦር ልምምድ አካሄዱ

በልምመዱም በቻይና እና በሩሲያ የጦር መርከቦች መካከል ግንኙነት እንዴት መለዋወጥ እንደሚችል፣ የባህር ላይ የተኩስ ልምምድ እና የጦር መርከብ ሄሊኮፕተር ድጋፍ አሰጣጥ ላይ ልምምድ አድርገዋል።

የውጊያ ልምምዱ በቤጂንግ እና በሞስኮ የባህር ኃይሎች መካከል ያለውን ትብብር ለማጠናከር ታስቦ የተዘጋጀ ነው ተብሏ።

በተጨማሪም ልምምዱ የእሲያ-ፓስፊክ ቀጠናን ሰላም እና መረጋጋት ለማስጠበቅ እና በሁለቱ ሀገራት መካከል ያለውን ኢኮኖሚያዊ እንቅቃሴዎችን ለመጠበቅ ያለመ ነው።

የቻይና እና የሩሲያ ወታደሮች ከሳምንታት በፊት ሩሲያ አስተናጋጅነት በተካሄደው የቮሶቶክ 2022 ወታደራዊ ልምምድ ላይ የጋራ ልምምድ አድርገው እንደነበረ ይታወሳል።

በዚሁ ልምምድ ላይ የቻይና እና የሩሲያ ወታደሮች በጋራ ወታደራዊ የኢላማ ተኩስ ልምምድ ማድረጋቸው ተገልጿል።

• በርካታ ቁጥር ያላቸው የቻይና ወታደሮች ሩሲያ ገቡ

በዚህም የሩሲያ የፓስፊክ የባህር ኃይል እና የቻይና ባህር ኃይል ከጦር መርከቦች ላይ በመሆን የምድር ላይ ኢላማዎችን የመምታት የተኩስ ልምምድ አካሂደዋል ነው የተባለው።

በወቅቱም ቻይን ቻይና የጦር ልምምዱ ከወቅቱ የሩሲያ እና ዩክሬን ጦርነት ጋር እንደማይገናኝ መግለጿ ይታወሳል።