ሩሲያ ‘ካያም’ የተሰኘችውን የኢራን ሳተላይት ወደ ህዋ አመጠቀች

አሜሪካ፤ ኢራን በሳተላይቷ በእስራኤል እና በሌላው አለም ወታደራዊ ኢላማ ለመለየት ያስችላታል የሚል ፍርሃት አላት

ፕሬዝዳንት ቭላድሚር ፑቲን እና ጠቅላይ መሪ የሆኑት አያቶላ አሊ ካሜኔ በጋራ ለመስራት ቃል ከገቡ ከሶስት ሳምንታት በኋላ ሩሲያ የኢራንን ሳተላይት በትናንትናው እለት ከደቡብ ካዛኪስታን ወደ ምህዋር አምጥቃለች፡፡

ሩሲያ ሳተላይቷን ያመጠቀችው ሁለቱ መሪዎች ምእራባውያንን በጋራ ለመመከት ከተስማሙ በኋላ መሆኑን ሮይተርስ ዘግቧል፡፡

• ኢራን የእስራኤልን የስለላ ኔትወርክ መያዟን አስታወቀች

በ11ኛው ክፍለ ዘመን በፋርስ ገጣሚ እና ፈላስፋ ኦማር ካያም ስም የተሰየመችው የሪምት ካያም ሴንሲንግ ሳተላይት በሩሲያዋ ሶዩዝ ሮኬት ነው የተመነጨፈችው፡፡ በካዛኪስታንከሚትገኘው የሩሲያ ባይኮኑር ኮስሞድሮም የተወነጨፈችው ሳተላይቷ በተሳካ ሁኔታ ወደ ኦርቢት መግባቷን የሩሲያ ስፔስ ኤጀንሲ አስታውቋል፡፡

የኢራን ስፔስ ኤጀንሲ የመጀመሪያ የሆነው ቴሌሜታሪ ዳታ ከሳተላይት መቀበሉን የአራን ዜና አገልግሎት(ኢርና) ዘግቧል፡፡

 ቴህራን፤ ሩሲያ ሳተላይቷን ከዩክሬን ጋር ለምታደርገው ጦርነት የሚጠቅም መረጃ ለመብሰብ ትጠቀምባታለች የሚለውን ክስ ውድቅ አድርጋለች፡፡ ኢራን ሳተላይቷን ከመጀመሪያው ቀን ጀምሮ ሙሉ በሙሉ እንደምትቆጣጠር ገልጻለች፡፡

የአሜሪካውን የዋሽንግተን ፖስት ጋዜጣን ጠቅሶ እንደዘገበው የአሜሪካ ባለስልጣናት በሩሲያ እና በኢራን መካከል ያለው የስፔስ ትብብር አሳስቧታል፤ ምክንያቱም ሳተላይቷ ሩሲያ በዩክሬን የምታደርገውን ጦርነት መርዳት ብቻ ሳይሆን በእስራኤል እና በሌላው አለም ወታደራዊ ኢላማ ለመለየት ታስችላለች የሚል ፍርሃት አላት፡፡