ሩሲያ በምስራቅ ዩክሬን ውስጥ ላሉ ተገጣይ ግዛቶች እውቅና ሰጠች

የሩስያ የተባበሩት መንግስታት አምባሳደር ቫሲሊ ኔቤንዚያ የምዕራባውያን "ሁለት ጊዜ እንዲያስቡ" እና ሁኔታውን እንዳያባብሱ አስጠንቅቀዋል

የሩሲያ ፕሬዝዳንት ቪላድሜር ፑቲን በዩክሬን ውስጥ ላሉ ተገንጣይ ግዛቶች እውቅና መስጠቷን ተከትሎ አሜሪካና አውሮፓውያ አጋሮቿ በጠንካራ ማእቀብ ለመጣል እያሰቡ ነው፡፡

ሩሲያ በምስራቅ ዩክሬን ለሚገኙ ተገንጣይ ክልሎች እውቅና መስጠቷ የጸጥታ ችግሩን አባብሶታል፡፡

የዩክሬን ጦር በሩሲያ በሚደገፉ ተገንጣዮች በ24 ሰአት ውስጥ ሁለት ወታደሮች መገደላቸውን እና ተጨማሪ 12 ወታደሮች መቁሰላቸውን ገልጿል፡፡

ፕሬዝዳንት ፑቲን በትናንትናው እለት በምስራቅ ዩክሬን ለሚገኙ ተገንጣዮች እውቅና መስጠታቸው አለምአቀፍ ውግዘት አስከትሎባቸዋል፤ ፕሬዝዳንት ጆ ባይደን በተገንጣዮቹ ግዛቶ ውስጥ የሚከናወነው የአሜሪካ የቢዝነስ እንቅስቃሴ እንዲቆም ትእዛት አስተላልፈዋል፡፡

ፈረንሳይ እና ጀመርመንም ማእቀብ ለማጣል ተስማምተዋል፤ ብሪቴን እና አሜሪካም ተጨማሪ ማእቀብ እንደሚጥሉ አስታውቀዋል፡፡

በተባበሩት መንግስታት ድርጅት(ተመድ) የዩናይትድ ስቴትስ አምባሳደር ሊንዳ ቶማስ-ግሪንፊልድ ሰኞ መገባደጃ ላይ የፀጥታው ምክር ቤት አስቸኳይ ስብሰባ ከተጠናቀቀ በኋላ እንደተናገሩት "ዩናይትድ ስቴትስ ለዚህ ግልጽ የሆነ የአለም አቀፍ ህግ ጥሰት እና የዩክሬን ሉዓላዊነት እና የግዛት አንድነት በመጣስ በሩሲያ ላይ ማዕቀብ ትጥላለች”ብለዋል።

ሩሲያ ኃይሏን እንድታወጣ፣ ወደ ዲፕሎማሲያዊው ጠረጴዛ እንድትመለስ እና ለሰላም እንድትሰራ ለምናቀርበው ጥሪ አንድ ሆነን ልንቆም እንችላለን፣ እንፈልጋለን፣ እናም መቆም አለብን ብለዋል ግሪንፊልድ፡፡

ብሪታንያ የዩክሬን ግዛት በመጣስ ላይ የተሳተፉትን ኢላማ ለማድረግ ማዕቀብ እንዳዘጋጀች ገልጻ እርምጃዎች ማክሰኞ ተግባራዊ ይሆናሉ ብላለች፡፡

ቻይና ሁሉም ወገኖች እንዲገደቡ ጠይቃለች፣ ጃፓን ሙሉ በሙሉ ወረራ በሚከሰትበት ጊዜ በሞስኮ ላይ የተጣለውን ዓለም አቀፍ ማዕቀብ ለመቀላቀል ዝግጁ መሆኗን ተናግራለች።

የሩስያ የተባበሩት መንግስታት አምባሳደር ቫሲሊ ኔቤንዚያ የምዕራባውያን ኃይሎች "ሁለት ጊዜ እንዲያስቡ" እና ሁኔታውን እንዳያባብሱ አስጠንቅቀዋል፡፡