ዋሸንግተን የቫይረሶችን ተፈጥሮ በቤተ ሙከራ በመቀየር አዲስ ወረርሽኝ ለመፍጠር ሙከራ እያደረገች ነው ተብላል
አሜሪካ ለአዲስ ወረርሽኝ እየተዘጋጀች መሆኗን ሩሲያ ገለጸች።
ሩሲያ እንዳለችው አሜሪካ በቀጣይ ሊከሰት ከሚችል ወረርሽኝ ራሷን እያዘጋጀች መሆኗን ገልጻለች።
ዋሸንግተን ለአዲስ ወረርሽኝ እየተዘጋጀች ያለው የባክቴሪያ እና ቫይረሶችን ተፈጥሯዊ ይዘት በመቀየር እንደሆነም ተገልጿል።
አሜሪካ ለዚህ ስራዋም ባዘጋጀችው የወረርሽኝ ዝግጁነት እና ምላሽ ፖሊሲ ቢሮ በኩል እንደሆነ አናዶሉ ዘግቧል።
እንደዘገባው ከሆነ አሜሪካ በተለያዩ የዓለማችን ሀገራት የተከሰቱ በሽታዎችን ናሙና በመውሰድ እና በቤተ ሙከራ ተፈጥሯዊ ስሪታቸውን በመቀየር ላይ ተጠምዳለች።
የሩሲያ ጨረር፣ ኬሚካል እና ስነ ህይወታዊ መከላከል ወታደራዊ አዛዥ የሆኑት ኢጎር ኪሪሎቭ እንዳሉት አሜሪካ ጥንቃቄ የጎደለው እና ዓለም አቀፍ ስምምነቶችን በጣሰ መልኩ ጥናት እና ምርምር እያደረገች ነው ሲሉ ከሰዋል።
ሀላፊው አክለውም አሜሪካ የቤተ ሙከራ ሰራሽ ቫይረሶችን እንደ ጦር መሳሪያ ትጠቀምባቸዋለች ሲሉ ከሰዋል።
አሜሪካ ከአንድ ወር በፊት ጡረታ በወጡ የአየር ሀይል አብራሪ አንድ የቀድሞ ወታደር አማካኝነት ወደፊት ሊከሰት በሚችል ወረርሽኝ ዙሪያ ዝግጅት መጀመሩን ተገልጾ ነበር ተብላል።
በዓለማችን በየጊዜው በሚከሰቱ ወረርሽኞች በርካታ የአሜሪካ ኩባንያዎች ክትባት እና መድሀኒቶችን በማምረት ዋነኛ አትራፊዎች እንደነበሩ ተገልጿል።
