የሶማሊያ ጦር ኃይል 50 የአልሸባብ ታጣቂዎችን መግደሉን አስታወቀ

የሶማሊያ ጦር በማዕከላዊና በደቡባዊ የሀገሪቱ ክፍሎች በሚገኙ የአልሸባብ ጦር ሰፈሮች ላይ ጥቃት ማድረሱን አስታውቋል

የሶማሊያ ኃይሎች በማዕከላዊና በደቡባዊ የሀገሪቱ ክፍሎች በሚገኙ የአልሸባብ የጦር ሰፈሮች የፀጥታ ሥራዎችን በማጠናከር ባለፉት ሁለት ቀናት ውስጥ ቢያንስ 50 የአልሸባብ ታጣቂዎች መግደላቸውን አስታውቀዋል፡፡

 የሶማሊያ ብሔራዊ ጦር አዛዥ ለመንግስት መገናኛ ብዙሃን እንደገለፁት ሃይሎቻቸው በማዕከላዊ እና በደቡባዊ ክልሎች በሚገኙ በርካታ የሒራን፣ የመካከለኛ ሸበሌ እና በታችኛው ሸበሌ ክልሎች የሚገኙ የአልሸባብ ጣቢያዎችን እና መደበቂያዎቻቸውን አፍርሰዋል ፡፡

የሶማሊያ ጦር አዛዥ “ባለፉት 48 ሰዓታት ውስጥ 50 የአልሸባብ አባላት የተገደሉ ሲሆን በርካታ መሰረቶችም ወድመዋል” ብለዋል ፡፡

የመንግስት ሃይሎች በብዙ የሀገሪቱ ክፍሎች የአልሸባብን አሸባሪዎችን ለማጥፋት የማጥቃት ስራቸውን አጠናክረው የቀጥለዋል ተብሏል፡፡

ይህም የሰኔ 14 የፀጥታ ዘመቻው ወደ አራተኛ ሳምንት በመግባቱ አሸባሪዎች የበለጠ መሬት እንዲያጡ እና ከፍተኛ ጉዳት እንዲደርስባቸው ማድርጉን ጦሩ አስታውቋል ፡፡

 የአልቃይዳ አጋር የሆነው የሽብር ቡድን ቀደም ሲል በተቆጣጠራቸው ስር የነበሩ ብዙ ቦታዎችን አጥቷል ፣ ሆኖም ታጣቂ ቡድኑ አሁንም በሶማሊያ ውስጥ ጥቃቶችን የማድረግ አቅም አለው ተብሏል፡፡