በወላይታ ሶዶ ከተማ ዛሬ እንቅስቃሴዎች ተቋርጠው ውለዋል
በወላይታ ሶዶ ከተማ ከዛሬ ታህሳስ 10 ቀን 2012 ዓ.ም. ማለዳ ጀምሮ የማህበራዊ አግልግሎት መስጫዎች እና የትራንስፖርት እንቅስቃሴዎች መቋረጣቸውን ከዞኑ ኮሙኒኬሽን ያገኘነው መረጃ ያሳያል፡፡
በደቡብ ከልል ወላይታ ሶዶ እና ሌሎች ከተሞችም አብዛኛው ትምህርት ቤቶችን ጨምሮ የንግድ ቤቶችና ሌሎች የማህበራዊ አግልግሎት መስጫዎች ዝግ ሆነው ውለዋል፡፡ የትራንስፖርት እንቅስቃሴ እንዲቆም የተደረገው በኮማንድ ፖስት ትእዛዝ እንደሆነ ከዞኑ ኮሙኒኬሽን መረጃ ደርሶናል፡፡ ይሁንና ከሰዓት በኋላ ከሞትር ሳይል ውጭ በተወሰነ መልኩ የተሸከርካሪዎች እንቅስቃሴ መኖሩን በዞኑ ከሚገኙ አንዳንድ ነዋሪዎች ያገኘነው መረጃ ያሳያል፡፡
