ንግዳቸው የሰመረላቸው የቀድሞ እግር ኳስ ተጫዋቾች እነማን ናቸው?

በቅርቡ ጫማቸውን የሰቀሉት ስፔናዊኑ አንድሬ ኢኔሽታ እና ጄራርድ ፒኬም ተጠቃሽ ሆነዋል

እግር ኳስ ተወዳጅ ከሆኑ ስፖርቶች መካከል አንዱ ሲሆን የሙሉ ጊዜ ሙያቸው ለሆኑት ደግሞ ከፍተኛ ገቢ በማስገኘትም ይታወቃል፡፡

ተጫዋቾች በወጣትነት እድሜያቸው የሚገኙትን ገንዘብ በማጠራቀም ጉልበታቸው ሲደክም እና እድሜያቸው ሲጨምር ከውድድሮች ሲርቁ ወደ የሚወዷቸው ስራዎች ያዘነብላሉ፡፡

በርካቶች ከእግር ኳስ ጋር የተያያዘ ስራቸውን ሲቀጥሉ ቀሪዎቹ ደግሞ በወደዷቸው ሌሎች የስራ መስኮች ላይ ይሰማራሉ፡፡

የአርሰናሉ የቀድሞ የመሃል ሜዳ አማካኝ ፈረንሳዊው ማቲው ፍላሚኒ ከእግር ኳስ ውጪ በሆኑ ንግዶች ላይ ተሰማርቶ ስኬታማ መሆኑ ተገልጿል፡፡

ሌላኛው ንግዱ የሰመረለት እና ስኬታማ ሆኗል የተባለው የቀድሞው የማንችስተር እና ኤቨርተን ተጫዋች ልዊዝ ሳሃ ሲሆን አክሲ ስታርስ የተባለ ኩባንያ አለው ተብሏል፡፡

እንግሊዛዊያኑ ዴቪድ ቤካም ፣ሪዮ ፈርዲናልድ እና ማይክል ኦውን ስኬታማ ከሆኑ የቀድሞ ተጫዋቾች መካከል መሆናቸውን ቢዝነስ ስታንዳርድ ዘግቧል፡፡

ዴንማርካዊው ማርቲን ብሬዝዌይት ከሚጫወትበት ባርሴሎና ክለብ እግር ኳስ ራሱን ካገለለ በኋላ የቤት ውስጥ መገልገያ እቃዎችን የሚያቀርብ ድርጅት መስርቶ ስኬታማ እንደሆነ ተገልጿል፡፡