ዋሊያዎቹ በዓለም ዋንጫ የምድብ ማጣሪያ የፊታችን አርብ ከጋና ጋር ይጫወታሉ

አሰልጣኝ ውብቱ አባተ ለዓለም ዋንጫ ማጣሪያ ከቡድኑ ጋር የሚጓዙ የመጨረሻ 23 ተጫዋቾችን ዝርዝር ይፋ አድርገዋል

የኢትዮጵያ እግር ኳስ ብሔራዊ ቡድን (ዋሊያዎቹ) ነገ ወደ ጋና እንደሚጓዙ የኢትዮጵያ እግር ኳስ ፌዴሬሽን አስታወቀ።

ቡድኑ ነገ ወደ ጋና የሚጓዘው ከሀገሪቱ ብሔራዊ ቡድን ጋር ለመጫወት እንደሆነም ፌዴሬሽ በይፋዊ የፌስቡክ ገጹ ላይ አስፍሯል።

የቡድኑ አሰልጣኝ ውብቱ አባተ ለዓለም ዋንጫ ማጣሪያ ከቡድኑ ጋር የሚጓዙ የመጨረሻ 23 ተጫዋቾችን ዝርዝር ይፋ አድርገዋል።

ቡድኑ ነገ ነሀሴ 25 ቀን 2013ዓ.ም ከጠዋቱ 2 ሰዓት ከ 30 ወደ አክራ ከተማ እንደሚያቀናም ይጠበቃል። የኢትዮጵያ እና የጋና ብሔራዊ ቡድኖች ነሀሴ 28 ቀን 2013 ዓ.ም ጨዋታቸውን እንደሚዲርጉ የወጣው መርሃ ግብር ያመለክታል።

የኢትዮጵያ ብሔራዊ ቡድን ከጋና ጋር ጨዋታውን ባደረገ ማግስት ማለትም ነሀሴ 29 ቀን 2013ዓ.ም ወደ አዲስ አበባ እንደሚመለስ ተገልጿል።

የኢትዮጵያ እግር ኳስ ብሔራዊ ቡድን (ዋሊያዎቹ) ፤ ጳጉሜ ሶስት ቀን 2013 ዓ.ም በባህር ዳር ዓለም አቀፍ ስታዲየም ከዚምባብዌ ብሔራዊ ቡድን ጋር የዓለም ዋንጫ የምድብ ማጣሪያ ሁለተኛ ጨዋታውን ያደርጋል ተብሏል።

የኢትዮጵያ ብሔራዊ ቡድን በዓለም ዋንጫ ማጣሪያ ከጋና፣ ዚምባብዌ እና ደቡብ አፍሪካ ብሔራዊ ቡድኖች ጋር ተደልድላለች።