የእንግሊዝ ፕሪሚየር ሊግ የዓመቱ ምርጥ ተጫዋች እጩዎች ዝርዝር ይፋ ሆነ

የ2020/2021 የእንግሊዝ ፕሪሚየር ሊግ በማንችስተር ሲቲ የበላይነት መጠናቀቁ ይታወሳል

ፕሪሚየር ሊጉ ለውድድር ዓመቱ ምርጥ ተጫዋች ምርጫ ስምንት እጩዎችን ይፋ አድርጓል።

የሊቨርፑሉ ግብጻዊው መሀመድ ሳላህ የማንችስተር ሲቲዎቹ ኬቪን ደብሩን እና ሩቢን ዲያዝ ፣ የቼልሲው ሜሰን ማውንት ፣ የአስቶን ቪላው ጃክ ጋርሊሽ ፣ የቶትንሀሙ ሀሪ ኬን ፣ የማንችስተር ዩናይትዱ ብሩኖ ፈርናንዴዝ እና የዌስትሀሙ ቶማስ ሱሴክ በእጩዎች ዝርዝር ውስጥ የተካተቱ ተጫዋቾች ናቸው።

ከዚህ በተጨማሪም ፕሪሚየር ሊጉ ለዓመቱ ምርጥ አሰልጣኝ ምርጫ የሚወዳደሩ አምሰት አሰልጣኞችን ይፋ ያደረገ ሲሆን ፣ እነዚህም የማንችስተር ሲቲው ፔፕ ጋርዲዮላ ፣ የዌስትሀሙ ዴቪድ ሞይስ ፣የሌሲስተር ሲቲው ብሬንዳን ሮጀርስ ፣ የማንችስተር ዩናይትዱ ኦሌ ጋናር ሶልሻየር እና የሊድሱ አሰልጣኝ ማርሴሎ ቤይልሳ ናቸው።

የፕሪሚየር ሊጉ አሸናፊ የማንችስተር ሲቲ አሰልጣኝ ፔፕ ጋርዲዮላ ሽልማቱን ያሸንፋል ተብሎ ይጠበቃል።

በዓመቱ ወጣት ምርጥ ተጫዋች ዝርዝር ውስጥ ደግሞ የአርሰናሉን ቡካዮ ሳካ ፣ የቼልሲውን ማሶን ማውንት ፣ የማንችስተር ሲቲውን ፊል ፎደን ፣ የማንችስተር ዩናይትዱን ማርከስ ራሽፎርድ ጨምሮ በድምሩ ስምንት ተጫዋቾች ይፋ የተደረጉ ሲሆን ፊል ፎደን ወይንም ሜሰን ማውንት ሽልማቱን የማሸነፍ እድል እንዳላቸው ፕሪሚየር ሊጉ በድረገጹ ይፋ አደርጓል።