ጀርመን የሰራተኛ ዕጥረቷን ለመፍታት በሚል ወደ ሀገሯ እንዲገቡ የፈቀደችላቸው ሀገራት እነማን ናቸው?

የሰራተኛ ዕጥረቱን ለመፍታት በሚል የአውሮፓ ህብረት አባል ላልሆኑ ሀገራት አዲስ ስርዓት ዘርግታለች

ጀርመን የሰራተኛ ዕጥረቷን ለመፍታት በሚል ወደ ሀገሯ እንዲገቡ የፈቀደችላቸው ሀገራት እነማን ናቸው?

የአውሮፓ ግዙፍ ኢኮኖሚ ባለቤት የሆነችው ጀርመን ከፍተኛ የሰራተኛ ዕጥረት እንደገጠማት አስታውቃለች፡፡

ሀገሪቱ በተለይም ረጅም ዓመታትን ሊሰሩ ለሚችሉ የሰለጠኑ ወጣቶች ብዙ አማራጮችን ያቀረበች ሲሆን በተለይም በኢንፎርሜሽን ቴክኖሎጂ፣ ምህንድስና እና የጤና ሙያዎች የበለጠ ተፈላጊዎች ናቸው ተብሏል፡፡

ጀርመን እድሜያቸው ከ35 ዓመት በታች የሆኑ፣ የሙያ ባለቤት እና ልምድ ያላቸው አመልካቾች ስራ እንዲፈልጉ በሚል ለአንድ ዓመት የሚቆይ ቪዛ እንደምትሰጥ አስታውቃለች፡፡

እንደ ዩሮ ኒውስ ዘገባ ከሆነ ጀርመን በዓመት 400 ሺህ የሰለጠኑ ሰራተኞችን የምትፈልግ ሲሆን የአውሮፓ ህብረት አባል ያልሆኑ ሀገራት ስራ ፈላጊ ዜጎች በቀላሉ ወደ ሀገሯ እንዲገቡ አመቺ የቪዛ ስርዓት መዘርጋቷንም አስታውቃለች፡፡

ጀርመን በሀገሯ ከሶስት ዓመት በላይ ለኖሩ ዜጎች ዜግነት ልትሰጥ ነው

እንደ ዘገባው ከሆነ የመጀመሪያ ድግሪ አልያም የቴክኒክ እና ሙያ የሰለጠኑ እድሜያቸው ከ40 ዓመት በታች የሆኑ ዜጎች በሚኖሩበት ሀገር ባለ የጀርመን ኢምባሲ ማመልከት ይችላሉ ተብሏል፡፡

ከዚህ በተጨማሪም አመልካቾች ጀርመንኛ እና እንግሊዘኛ ቋንቋዎችን መቻል እንደ ተጨማሪ መስፈርት አስቀምጣለች፡፡

የሙያ ልምድ ኖሯቸው ጀርመንኛ ቋንቋ የሚችሉ እና እድሜያቸው ከ40 ዓመት በታች የሆናቸው አመልካቾ የበለጠ የመስራት ፈቃድ የማግኘት እድል አላቸውም ተብሏል፡፡

ስራ ለመፈለግ በሚል ዝቅተኛውን መስፈርቶች አሟልተው የጀርመን ቪዛ አግኝተው በጀርመን ስድስት ወር እና ከዛ በላይ ለሚቆዩ አመልካቾች ለተጨማሪ ዓመታት የስራ ፈቃድ እንደሚያገኙም ተጠቅሷል፡፡