![](https://cdn.al-ain.com/images/2021/1/14/223-163010-766f8f67-75bb-452d-8deb-05c12b3e77af_700x400.jpg)
በዓሉ ለ 4 ተከታታይ ቀናት የሚከበር ሲሆን እያንዳንዱ ቀን የየራሱ ክብረ በዓል አለው
የተለያዩ እምነቶች በሚንጸባረቁባት ሕንድ በዛሬው ዕለት ‘ፖንጋል’ የተሰኘ በዓል ይከበራል፡፡ ለአራት ተከታታይ ቀናት በደቡብ ሕንድ ፣ በተለይ ታሚል ናዱ ግዛት ፣ የሚከበረው በዓሉ ተፈጥሮ በተለይም የፀሐይ አምላክ የሚመሰገንበት ነው፡፡
የበዓሉ አክባሪዎች ከምስጋና በተጨማሪ በአዲሱ ዓመት የተሻለ ምርት እንዲያገኙ ጸሎትም ለአማልክቶቻቸው ያደርሳሉ፡፡ በምርት ስብሰባ ወቅት የሚከበረው በዓሉ ከ 2,000 ዓመታት በላይ እድሜ እንዳለው ይገለጻል፡፡ ለበዓሉ በሩዝ እና ሌሎች ግብዓቶች ፖንጋል የተሰኘ ባሕላዊ ምግብ ይዘጋጃል፡፡