ዩክሬን ከሩሲያ ጋር ለመነጋገር ክፍት እንድትሆን አሜሪካ አሳሰበች

የአሜሪካ ጥያቄ ዩክሬንን ወደ ድርድር ጠረጴዛ ለመግፋት ሳይሆን ኪየቭ የሌሎች ሀገራትን ድጋፍ እንዳታጣ ለማድረግ የተደረገ ስሌት ነው ተብሏል

የአሜሪካ መንግስት በግሉ ዩክሬን ከሩሲያ ለመደራደር ክፍት እንድትሆን አሳስባለች፡፡

ነገርግን የአሜሪካ የውጭ ጉዳይ መስሪያ ቤት ሩሲያ ጦርነተን እያባባሰች መሆኗን እና የሰላም ድርድር ለማድረግ በቁም ነገር እንደማትፈለግ መግለጹን ሮይተርስ ዘግቧል፡፡

• አሜሪካ ለዩክሬን ተጨማሪ የ400 ሚሊዮን ዶላር ድጋፍ እንደምትሰጥ ገለጸች

እንደዘገባው ከሆነ የአሜሪካ ባለስልጣናት ያቀረቡት ጥያቄ ዩክሬንን ወደ ድርድር ጠረጴዛ ለመግፋት ሳይሆን ኪየቭ የሌሎች ሀገራትን ድጋፍ እንዳታጣ ለማድረግ የተደረገ ስሌት ነው።

 አሜሪካ እና የዩክሬን ባለስልጣናት ፕሬዝዳንት ዘለንስኪ ከሩሲያው ፕሬዝዳንት ቭላድሚር ፑቲን ጋር እንደማይጋገሩ ማሳወቃቸው ጦርነቱ በምግብ እና በነዳጅ ወጪዎች ላይ ከፍተኛ ጫና ባሳደረባቸው በአውሮፓ ፣አፍሪካ እና በላቲን አሜሪካ ክፍሎች ስጋት መፍጠሩን አምነዋል፡፡

ዘሌንስኪ በጥቅምት 4 ቀን ከፑቲን ጋር የሚደረገውን ማንኛውንም ንግግር "የማይቻል" እንደማይቻል ፈረመዋል፤ ነገርግን ከሩሲያ ጋር ለሚደረግ ንግግር ዩክሬን ክፍት መሆኗን ተናግረዋል፡፡

የኃይት ሀውስ የብሄራዊ ደህንነት ምክር ቤት በሪፖርቱ ትክክለኛነት ላይ አፋጣኝ አስተያየት አልነበረውም።

የአሜሪካ ውጭ ጉዳይ ሚኒስቴር ቃል አቀባይ “ከዚህ በፊት ተናግረነዋል፤ አሁንም እንናገራለን፡፡ ድርጊቶች ከቃላት የበለጠ ይናገራሉ። ሩሲያ ለድርድር ዝግጁ ከሆነች ቦንቧን እና ሚሳይሏን በማቆም ኃይሏን ከዩክሬን ማስወጣት አለባት” ሲሉ ተናግረዋል፡፡

"ክሬምሊን ይህን ጦርነት ማባባሱን ቀጥሏል። ክሬምሊን በዩክሬን ላይ ሙሉ ወረራውን ከመጀመሩ በፊትም ቢሆን በቁም ነገር ለመደራደር ፈቃደኛ አለመሆኑን አሳይቷል” ብለዋል ቃል አቀባዩ።

ቃል አቀባዩ አርብ ዕለት ዘለንስኪ የተናገረውን አስተያየታቸውን ገልጸው “ለሰላም ዝግጁ ነን፣ ለፍትሃዊ እና ፍትሃዊ ሰላም፣ ብዙ ጊዜ የገለፅንበት ቀመር” ብለዋል።

ዘለንስኪ አርብ ዕለት ለዩክሬን ህዝብ ባደረገው የምሽት ንግግር ላይ አክለውም “አለም አቋማችንን ያውቃል። ይህ የተመድ ቻርተር ማክበር፣ የግዛት አንድነት ማክበር፣ ህዝባችንን ማክበር ነው ብለዋል፡፡

አሜሪካ ለዩክሬን ወታደራዊ እርዳታ በማድረግ ላይ ትገኛለች፡፡

ሩሲያ በዩክሬን ላይ ወታደራዊ ዘመቻ ከከፈተችው፤ ኔቶ ወደ ዩክሬን እየስፋፋ መሆኑን በመግለጽ እና ይህም ለደህንነቷ ስጋት ይሆናል በሚል ነበር፡፡