የኤምሬትስ ፕሬዝዳንት በአዲስ አበባ የተደረገላቸው አቀባበል በምስል

ጠቅላይ ሚኒስትር አብይ አህመድ ፕሬዝዳንቱን አቀባበል አድርገውላቸዋል

የአረብ ኤምሬትስ ፕሬዝዳንት ሼክ መሀመድ ቢን ዛይድ ለይፋዊ የስራ ጉብኝት ዛሬ ኢትዮጵያ ገብተዋል።

ፕሬዝዳንት ሼክ መሀመድ ቢን ዛይድ ቦሌ አለማቀፍ አውሮፕላን ማረፊያ ሲደርሱም ጠቅላይ ሚኒስትር አብይ አህመድ አቀባበል አድርገውላቸዋል።

ፕሬዝዳንቱ በቦሌ ለክብር እንግዳ የሚደረግ አቀባበል ተደርጎላቸዋል።

የኢትዮጵያ እና አረብ ኤምሬትስን ሰንደቅ የያዙ በርካታ ህጻናት እና ፈረሰኞችም የደማቁ የአቀባበል ስነስርአት አካል ነበሩ።

ሼክ መሀመድ ቢን ዛይድ በቦሌ አለማቀፍ አውሮፕላን ማረፊያ የተደረገላቸው አቀባበል እንደተጠናቀቀ ወደ ብሄራዊ ቤተመንግስት አቅንተዋል።

ፕሬዝዳንቱ ከጠቅላይ ሚኒስትር አብይ አህመድ እና ከሌሎች የኢትዮጵያ ባለስልጣናት ጋር እንደሚመክሩ ይጠበቃል።

ሼክ መሀመድ ቢን ዛይድ እና ልኡካቸው በብሄራዊ ቤተመንግስትም ጉብኝት ያደርጋል ተብሏል።