ቡድኑ ከሰሞኑ ወደ ኢትዮጵያ ለመግባት ጥረት አድርጎ ተደመሰሰ መባሉ ይታወሳል
አሜሪካ በአልሸባብ ታጣቂዎች ላይ የአየር ጥቃት መፈጸሟን አስታወቀች፡፡
ዋሽንግተን የአየር ጥቃቱን የፈጸመችው ታጣቂዎቹ በበለደወይኒ የሶማሊያን ጦር በድንገት ማጥቃታቸውን ተከትሎ ነው፡፡
ለሶስት ተከታታይ ጊዜ የተፈጸመ ነው በተባለለት የአየር ጥቃት አራት የታጣቂ ቡድኑን አባላት መግደሉን የአሜሪካ ጦር የአፍሪካ ዕዝ ማዕከል ( ዩኤስ አፍሪካዐኮማንድ) እርምጃውን አስመልክቶ ባወጣው መግለጫ አስታውቋል፡፡
ማዕከሉ በጥቃቱ በንጹሃን ላይ የደረሰ ጉዳት የለም ብሏል፡፡ በአል ሸባብ ላይ የሚወሰደው እርምጃ ጠናክሮ እንደሚቀጥልም ነው ማዕከሉ ያስታወቀው፡፡
አል ሸባብን መሰል ጽንፈኛ እና አክራሪ የሽብር ቡድኖች ለሶማሊያም ብቻ ሳይሆን ለምስራቅ አፍሪካ ቀጣና ስጋት መሆናቸውንም ገልጿል፡፡
አል ሸባብ ከሰሞኑ የሽብር አባላቱን በሱማሌ ክልል በኩል ወደ ምስራቅ ኢትዮጵያ አስርጎ ለማስገባትና ህዋስ በማቋቋም ጥቃት ለመፈጸም ያደረገው ሙከራ ከሽፎ መመታቱና ከተደመሰሱት በርካታ አባላቱ የተረፉት መያዛቸው መነገሩ የሚታወስ ነው፡፡
