አሜሪካ የኢራን መረጃ መንታፊዎችን ለጠቆመኝ 10 ሚሊዮን ዶላር እሰጣለሁ አለች

የቡድኑ አባላት የኢራን አብዮት ጠባቂ ጦር ስር የተዋቀሩ ናቸው ተብሏል

አሜሪካ የኢራን መረጃ መንታፊዎችን ለጠቆመኝ 10 ሚሊዮን ዶላር እሰጣለሁ አለች፡፡

የአሜሪካ ፍትህ ቢሮ እንዳስታወቀው በተደጋጋሚ በተቋማት ላይ የበይነ መረብ ጥቃት በሚያደርሱ የኢራን ሳይበር ቡድን ላይ የእስር ማዘዣ አውጥቷል፡፡

ቢሮው አክሎም እነዚህ መሰረታቸውን ኢራን ያደረጉ የሳይበር ጥቃት ቡድን ያሉበትን ለጠቆመ 10 ሚሊዮን ዶላር በወሮታ መልኩ እከፍላለሁ ብሏል፡፡

እንደ ሮይተርስ ዘገባ ይህ የመረጃ መንታፊዎች ቡድን በኢራን አብዮት ጥበቃ ጦር ስር የተደራጀ ሲሆን የአሜሪካ እና እስራኤል ተቋማትን በማጥቃት ይታወቃል፡፡

እስካሁን ባደረሳቸው የበይነ መረብ ጥቃቶችም ተቋማት መደበኛ ስራቸውን እንዳይሰሩ ማስተጓጎልን ጨምሮ ጥብቅ መረጃዎችን ሲመነትፍ እንደነበርም ተገልጿል፡፡

ስድስት አባላት ያሉት ይህ አደገኛ የመረጃ መንታፊዎች ቡድን በተለይም የእስራኤል እና አሜሪካ የሎጅስትክ ተቋማትን ኢላማ ሲያደርግ እንደነበር በዘገባው ላይ ተጠቅሷል፡፡

አሜሪካ፤ የአልሸባብ መሪን ለጠቆመኝ 5 ሚሊዮን ዶላር እሸልማለሁ አለች

ግለሰቦቹ በአሜሪካ እና ሌሎች ወዳጅ ሀገራት ያሉ ንብረቶቻቸውን እንዳይንቀሳቀሱ እንዲሁም በነዚህ ሀገራት ካሉ ዜጎች ጋር ግብይት እንዳያደርጉ ማዕቀብ ተጥሎባቸዋል ተብሏል፡፡

የአሜሪካው ማይክሮሶፍት ኩባንያ ከሰሞኑ የኢራን መረጃ መንታፊዎች ጥቃት ለማድረስ ሙከራዎችን እያደረጉ መሆኑን አስጠንቅቋል፡፡

ከዚህ በተጨማሪም መሰረታቸውን ኢራን ያደረጉ የመረጃ ሰርሳሪ ቡድኖች ሰው ሰራሽ አስተውሎትን በመጠቀም ሐሰተኛ መረጃዎችን በስፋት የማሰራጨት ሙከራዎችን እያደረጉ እንደሆነም ተገልጿል፡፡