ተጠባቂ የቅዳሜ እና እሁድ ስፖርታዊ ውድድሮች

ኢትዮጵያ ቡና ከኬንያ ፖሊስ አግር ኳስ ክለብ የሚያደርጉት የካፍ ኮንፌዴሬሽን ማጣሪያ ጨዋታ ተጠባቂ ነው

ተጠባቂ የቅዳሜ እና እሁድ ስፖርታዊ ውድድሮች

ወቅቱ በመላው ዓለም ስፖርታዊ ውድድሮች የተጀመሩበት መሆኑን ተከትሎ በተለይም እግር ኳስ ውድድሮች ዛሬ እና ነገ በየሀገራቱ እንደሚካሄዱ ይጠበቃል፡፡

የእኛው ኢትዮጵያ ቡና በካፍ ኮንፌዴሬሽን ውድድር ላይ ለመሳተፍ የማጣሪያ ጨዋታውን ከኬንያ ፖሊስ ጋር በነገው ዕለት በሜዳው ያካሂዳል፡፡

ባሳለፍነው ሳምንት የመጀመሪያ ማጣሪያ ጨዋታውን አድርጎ ያለምንም ግብ በአቻ ውጤት የተጠናቀቀው ይህ ጨዋታ በነገው ዕለት ከሚካሄዱ ውድድሮች መካከል አንዱ ነው፡፡

ወደ እንግሊዝ ፕሪሚየር ሊግ ስንመጣ ማንችስተር ዩናይትድ ከብራይተን በዛሬው ዕለት ከምሳ ሰዓት ጀምሮ ሲካሄድ፣ ማንችስተር ሲቲ ከኢፕስዊች ዩናይትድ ጋር ይጫወታሉ፡፡

የአውሮፓ እግር ኳስ ማህበር ምርጥ 10 የእግር ኳስ ቡድኖች ደረጃ

የተሻለ ፉክክር ይደረግባቸዋል ተብለው ከሚጠበቁ የዛሬ ጨዋታዎች መካከል ቶትንሀም ከኤቨርተን እንዲሂም አስተን ቪላ ከአርሰናል የሚያደርጉት ተጠቃሽ ናቸው፡፡

በዚሁ ሊግ በነገው ዕለት ወልቭስ ከቸልሲ እና ሊቨርፑል ከብሬንትፎርድ ጨዋታቸውን ያደርጋሉ፡፡

በስፔን ላሊጋ ደግሞ በዛሬው ዕለት ባርሴሎና ከአትሌቲክ ቢልባኦ ሲጫወቱ በነገው ዕለት ሪያል ማድሪድ ከሪያል ቫላዶሊድ ጋር የሚያደርጉት ጨዋታም ከተጠባቂዎች ውስጥ ተጠቃሹ ነው፡፡

በጣልያን ሴሪኤ ደግሞ በዛሬው ዕለት ፓርማ ከኤሲ ሚላን፣ ኢንተርሚላን ከሊቼ ሲጫወቱ በነገው ዕለት ናፖሊ ከቦሎኛ፣ ሮማ ከኢምፖሊ የሚያደርጉት ጨዋታ ይጠበቃል፡፡

ወደ ጀርመን ቡደንስሊጋ ስናመራ አርቢ ላይፕዚሽ ከቦቹም፣ ቦሪሲያ ዶርትሙንድ ከኢንትራክት ፍራንስክፈርት ዛሬ ሲጫወቱ በነገው ዕለት ደግሞ ወልፍስበርግ ከባየርሙኒክ የሚያደርጉት ጨዋታ በጉጉት ከሚጠበቁ ጨዋታዎች መካከል ዋነኛው ነው፡፡