ፕሬዝዳንት ባይደን ማን ሊተካቸው ይችላል?

ዲሞክራቶች ዶናልድ ትራምፕን ሊገዳደር የሚችል እጩ ፍለጋ ላይ ናቸው ተብሏል

የአሜሪካው ፕሬዝዳንት ጆ ባይደን ከ2024 የአሜሪካ ፕሬዝዳንታዊ ከምርጫ ፉክክክር ራሳቸውን አገለሉ።

የአሜሪካው ፕሬዝዳንት ጆ ባይደን ከ2024 የአሜሪካ ፕሬዝዳንታዊ ከምርጫ ፉክክክር ራሳቸውን አገለሉ።

ፕሬዝዳንቱ በሀገራዊ እና አለምአቀፋዊ መድረኮች ላይ በተደጋጋሚ ከሚፈጽሙት ስህተት ባለፈ በቅርቡ በተካሄደው የመጀመርያ ዙር የምርጫ ክርክር ሀሳባቸውን በተገቢው መንገድ ለመግለጽ ሲቸገሩ ታይተዋል፡፡ 

ይህን ተከትሎም በክርክሩ በተቀናቃኛቸው የቀድሞ ፕሬዝዳንት ዶናልድ ትራምፕ ብልጫ እንደተወሰደባቸው በመግለጽ የዴሞክራት ፓርቲ አባላት እና ደጋፊዎች ፕሬዝዳንቱ ከእጩነት እንዲነሱ ሲጠይቁ ቆይተዋል።

ባይደን ዛሬ ምሽት ለፓርቲዬ እና ለሀገሬ ስል ከድጋሚ ምርጫ ውድድር ራሴን ሰግልያለሁ ብለዋል።

 ሮይተርስ ዶናልድ ትራምፕን ሊገዳደር የሚችሉ እጩዎች እነማን ሊሆኑ ይችላሉ? ሲል ጥናት አካሂዷል።

በጥናቱ የተሳተፉ አሜሪካዊያን መካከል የቀድሞ ፕሬዝዳንት ባራክ ኦባማ ባለቤት ሚሼል ኦባማ የተሻለ ድምጽ አግኝተዋል።

ከሚሼል ኦባማ በመቀጠል የወቅቱ ምክትል ፕሬዝዳንት ካማላ ሀሪስ በሁለተኝነት ሲጠቀሱ የካሊፎርኒያው ገዢ ጋቪን ኒውሶም ደግሞ በሶስተኛ ደረጃ ላይ ተቀምጠዋል።

ሚሼል ኦባማ እስካሁን ፕሬዝዳንት የመሆን ፍላጎት እንዳላት በይፋ ያልገለጸች ሲሆን ፕሬዝዳንት ባይደን ራሳቸውን ከምርጫው ካገለሉ ግን ፓርቲያቸውን ወክለው ሊወዳደሩ ይችላሉ ተብሏል።

የሪፐብሊካን ፓርቲ እጩ የሆኑት ዶናልድ ትራምፕ ባንድ በኩል የቀረቡባቸውን ከ30 በላይ ክሶች በየችሎቱ እየተከራከሩ በሌላ በኩል ደግሞ ዲሞክራቶችን እያስጨነቁ ናቸው።