መውደቂያ ያጡ አረጋውያንን አሰባስቦ እንክብካቤ ሲያደርግ መመልከቴ ለመስጠት አነሳስቶኛል
አንድ ወይዘሮ ባለ 3 ወለል ጅምር ህንጻቸውን ለመቄዶንያ በስጦታ አበረከቱ
ወ/ሮ ዝናሽ መለሰ ደብረማርቆስ የሚገኝ ባለ ሶስት ወለል ጅምር ህንጻቸውን ለሜቄዶንያ የአረጋውያንና የአእምሮ ህሙማን መረጃ ማዕከል መስጠታቸውን አስታወቁ።
ትውልዳቸው ደብረማርቆስ የሆነውና በአሁኑ ወቅት አዲስ አበባ የሚኖሩት ወ/ሮ ዝናሽ ከ4መቶ ካሬ ሜትር በላይ ግቢ ያለውንና በአጠቃላይ ከ4 ሚልዮን ብር በላይ ዋጋ የሚገመተውን ባለሶስት ወለል ጅምር ህንጻ ነው ለሜቄዶንያ በስጦታ ያበረከቱት፡፡
የአቅመ ደካሞች መጠጊያ ሆኖ በማገልገል ላይ ያለው በጎ አድራጎት ድርጅቱ መውደቂያ ያጡ አረጋውያንን አሰባስቦ እንክብካቤ ሲያደርግ በመመልከታቸው ለመስጠት መነሳሳታቸውን ገልጸዋል፡፡
“እኔስ ምን ላድርግ የሚል ሃሳብ ስለመጣብኝ ነው” የሚሉት ወይዘሮዋ የበኩላቸውን ለመደገፍ በሚል ማበርከታቸውንም ተናግረዋል፡፡
