የ2024 የዓለም ምርጥ አትሌቶች እነማን ናቸው?

ኢትዮጵያውያኑ አትሌት ታምራት ቶላ እና አትሌት ሲምቦ አለማየሁ የምርጥ አትሌቶች ሽልማት አሸንፈዋል

የዓለም አትሌቲክስ ፌዴሬሽን እየተገባደደ ባለው የፈረንጆቹ 2024 ዓመት በተካሄዱ የተለያዩ ውድድሮች ላይ ስኬታማ የሆኑ አትሌቶችን በትናንትናው እለት ሸልሟል።

በዘንድሮው የዓለም አትሌቲክስ ፌዴሬሽን ሽልማት ለኔዘርላድስ የምትሮጠው ትውልደ ኢትዮጵያዊቷ አትሌት ሲፈን ሀሰን የአመቱ ምርጥ ሴት አትሌት እና ከስታድየም ውጪ በተደረጉ ውድድሮች የ2024 ምርጥ ሴት አትሌት ሽልማቶች በማሸነፍ ችላለች።

ቦትስዋናዊው አትሌት ሌትሲሌ ቶቦጎ በዘንድሮው የዓለም አትሌቲክስ ፌዴሬሽን ሽልማት የአመቱ ምርጥ ወንድ አትሌትና የትራክ ላይ ውድድር ምርጥ አትሌት ተብሎ ተመርጧል።

• ታምራት ቶላ እና ሲምቦ አለማየሁ የአመቱ ምርጥ አትሌቶች ሽልማት አሸነፉ

በሽልማት ስነ ስርዓት ላይም ሁለት ኢትዮጵያውያን አትሌቶች በተለያዩ ዘርፎች የአመቱ ምርጥ አትሌት ሸልማቶችን ማሸነፋቸው ተነግሯል።

በዚህም መሰረት የፓሪስ ኦሎምፒክ የማራቶን ድል ባለቤቱ አትሌት ታምራት ቶላ በፈረንጆቹ 2024 ስታዲየም ውጭ የዓመቱ ምርጥ የጎዳና ላይ ውድድር አትሌት ሽልማትን አሸንፏል።

ኢትዮጵያዊቷ አትሌት ሲምቦ አለማየሁ የአለም አትሌቲክስ የአመቱ የወደፊት ተስፋ የተጣለባት አትሌት በመባል መሸለማንም የዓለም አትሌቲክስ ያገኘነው መረጃ ያመለክታል።

የ2024 የዓለም ምርጥ አትሌቶችን ዝርዝር ይመልከቱ፤