ከዶላር አንጻር ደካማ ገንዘብ ያላቸው 10 የዓለም ሀገራት የትኞቹ ናቸው?

የሊባኖስ ፓውንድ ቀዳሚ ሲሆን፤ 1 የዶላር በ89 ሺህ 467 የሀገሪቱ ገንዘብ (ሪያል) ይመነዘራል

በፈረንጆቹ 2024 ከዶላር አንጻር ገንዘባቸው ደካማ የሆነ 10 የዓለም ሀገራት ይፋ ተደርገዋል።

የአንድ ሀገር ገንዘብ በሌላ ሀገር ገንዘብ ሲመነዘር ያለው ዋጋ ጥንካሬውን እን ድክመቱን ያሳያል የተባለ ሲሆን፤ ኤፍ.ኤክስ.ኤስ.ኤስ.አይ ድረ ገጽ ከከዶላር አንጻር ገንዘባቸው ደካማ የሆነ 10 የዓለም ሀገራትን ይፋ አድርጓል።

ከዓለም ከዶላር አንጻር ደካማ ገንዘብ ያላት ቀዳሚ ሀገር ሊባኖስ ነች የተባለ ሲሆን፤ 1 የአሜሪካ ዶላር 89 ሺህ 467.84 የሀገሪቱ ገንዘብ (የሊባኖስ ፓውንድ) ይመነዘራል።

• የነሃሴ 2 የባንኮች የውጭ ምንዛሬ ዋጋ ምን ይመስላል?

የኢራን ከዶላር አንጻር ደካማ ገንዘብ ካላቸው ሀገራት ውስጥ 2ኛ ደረጃ ላይ የተቀመጠች ሲሆን፤ 1 የአሜሪካ ዶላር በ42 ሺህ 092 የሀገሪቱ ገንዘብ (ሪያል) ይመነዘራል።

የቬትናም ገንዘብም ከዶላር አንጻር ደካማ ከሚባሉት ውስጥ 3ኛ ደረጃ ለይ የተቀመጠ ሲሆን፤ 1 የአሜሪካ ዶላር በ25 ሺህ 142 የቬትናም ገንዘብ (ዶንግ) ይመነዘራል።

የስራሊዮን ገንዘብም ከዶላር አንጻር ደካማ ከሚባሉት ውስጥ 4ኛ ደረጃ ለይ የተቀመጠ ሲሆን፤ 1 የአሜሪካ ዶላር በ22 ሺህ 641 ሴራሊዮን ገንዘብ (ሊዮን) ይመነዘራል።

5ኛ ደረጃ ላይ የተመቀጠው የላኦ ወይም ላኦቲን ኪፕ ገንዘብ ሲሆን፤ አንድ የአሜሪካ ዶላር በ22 ሺህ 165 ላኦቲን ኪፕእየመተመነዘረ መሆኑ ነው የተነገረው።

የኢንዶኔዢያን ሩፖያህ ደግሞ 6ኛ ደረጃ ላይ ተቀምጧል የተባለ ሲሆን፤ 1 የአሜሪካ ሶላር በ15 ሺህ 892 የኢንዶኔዢያን ሩፒያህ ይመነዘራል ነው የተባለው።

7ኛ ደረጃ ላይ የተቀመጠው የሶሪያ ፓውንድ ሲሆን፤ በዚህም መሰረት 1 የአሜሪካ ዶላር 13 ሺህ 001 የሀገሪቱ ገንዘብ (የሶሪያ ፓውንድ) እንደመሚነዘርም ነው የተነገረው።

የኡዝቤኪስታን ገንዘብ 8ኛ ደረጃን የያዘ ሲሆን፤ በዚህም 1 የአሜሪካ ዶላር በ12 ሺህ 601 የኡዝቤክ ሰም ነው የሚመነዘረው ይላል መረጃው።

የጊኒ ገንዘብም በ9ኛ ደረጃን የያዘ ሲሆን፤ 1 የአሜሪካ ዶላር በ8 ሺህ 610 የሀገሪቱ ገንዘብ (ጊኒ ፍንክ እንደሚመነዝርም ተመልክቷል።

የፓራጓይ ገንዘብ 10ኛ ደረጃ ላይ የተቀመጠ ሲሆን፤ 1 የአሜሪካ ዶላር በ7 ሺህ 557 የፓራጓይ ጓራኒ እንደሚመነዘር ነው መረጃዎች የሚያመለክቱት።