ፕሬዝዳንት ራማፎዛ በቀድሞው ፕሬዝዳንት ዙማ ላይ የተደረገውን የሙስና ምርመራ ሪፖርት ሊቀበሉ ነው ተባለ

የቀድሞው ፕሬዝዳንት ዙማ የቀረበባቸውን ክስ አይቀበሉም

የደቡብ አፍሪካ የፍትህ ኮሚሽን የቀድሞው ፕሬዝዳንት ጃኮብ ዙማ በስልጣን ላይ በነበሩበት ወቅት ሰርተዋል የተባለውን የሙስና ምርመራ ሪፖርት የመጀመሪያ ክፍል በይፋ እንደሚያስረክብ የካቢኔ ሚኒስትር አርብ ዕለት አስታወቁ።

የምርመራ ቡድኑ የተቋቋመው ከ2009 እስከ 2018 ባለው ጊዜ ዙማ በስልጣን ላይ በነበሩበት ወቅት የከፍተኛ ደረጃ ዝርፊያ ውንጀላዎችን ለመመርመር ነው።

ዙማ ምንም አይነት ጥፋት አልፈፀምኩም ሲል አስተባብለዋል፡፡

በምርመራው ዙማ ላይ የቀረቡት ውንጀላዎች “የመንግስት ሚና መወጣት ” ለእሱ ቅርብ የሆኑ ነጋዴዎች - ወንድሞች አቱል ፣ አጃይ እና ራጄሽ ጉፕታ - የመንግስትን ሀብት እንዲዘርፉ እና በፖሊሲ ላይ ተጽዕኖ እንዲያሳድሩ ፈቅደዋል የሚል ክስ ቀርቦባቸዋል፡፡

በፈረንጆቹ 2018 ዙማ ከስልጣን ከተወገዱ በኋላም ድርጊቱን የካዱ ጉፕታዎች ደቡብ አፍሪካን ለቀው ወጥተዋል።

በፈረንጆቹ ከግንቦት 2014 ጀምሮ የዙማ ሥልጣን እስከያዙበት ጊዜ ድረስ ቁጥር 2 የነበረው ራማፎሳ የፀረ ሙስና ትግል የፕሬዚዳንትነታቸው ምሰሶ አድርገውታል፣ ምንም እንኳን ተቃዋሚ ፓርቲዎች በምክትልነት በነበሩበት ጊዜ መበስበስን ለማስቆም ያደረጉት ጥረት አነስተኛ ነው ሲሉ ቢተቿቸውም፡፡

የፍትህ ኮሚሽኑ የሶስት ክፍል ሪፖርቱን የመጀመሪያ ክፍል በዚህ ወር መጨረሻ ሊያቀርብ የነበረ ቢሆንም ሚኒስቴሩ ይህ የዘገየው እሁድ እለት ለሞቱት ሊቀ ጳጳስ ዴዝሞንድ ቱቱ ለሰባት ቀናት የሚቆይ የሃዘን ጊዜ በማክበር ነው ብለዋል።

ዙማ ለምርመራው ትብብር ባለማድረጋቸው የ15 ወራት እስራት ተፈርዶባቸዋል። በሐምሌ ወር ታስሮ ከዚያም በመስከረም ወር በሕክምና ምህረት ተደረገ። ከፍተኛው ፍርድ ቤት ወደ እስር ቤት እንዲመለስ ወስኗል። ዙማ በውሳኔው ይግባኝ እየጠየቁ ነው።