አልቃ ኢዳ ለ7 አመታት አግቷቸው የነበረውን ዶክተር ለቀቀ

ዶክተሩ ከባለቤታቸው ጋር የታገቱት ቡርኪና ፋሶ ከማሊ በምትዋሰንበት ቦታ በሚገኝ 120 አልጋ ባለው  ክሊኒክ በሚሰሩበት ወቅት ነበር

ከአልቃ ኢዳ ጋር ግንኙነት በነበራቸው አክራሪዎች ለሰባት አመታት አግቷቸው የነበረውን አውስትራሊያዊዉ ዶክተር መልቀቁን የአውስትራሊያ መንግስት አስታወቀ፡፡

• የአልቃኢዳው መሪ አይመን አልዘዋሂሪ እንዴት ሊገደል ቻለ?
• በአውስትራሊያ ቦታቸውን ለአልሚዎች አንሸጥም ያሉት “የዛሚት ቤተሰቦች”

ኬኔዝ ኢሎት የተባሉት አውስትራሊያው የ88 አመት ዶክተር በጥሩ ሁኔታ ላይ እንደሚገኙ እና ከቤተሰቦቻቸው ጋር መቀላቀላቸውን የአውስትራሊያ የውጭ ጉዳይ ሚኒስቴር ገልጿል።

ዶክተሩ የተያዙት ከባለቤታቸው ጆስሊን ኢሎት ጋር የነበረ ቢሆንም ባለቤታቸው ከታገቱ ከሶስት ሳምንት በኋላ ነበር የተለቀቁት።

ዶክተሩ ከባለቤታቸው ጋር የታገቱት ቡርኪና ፋሶ ከማሊ በምትዋሰንበት ቦታ በሚገኝ 120 አልጋ ባለው  ክሊኒክ በሚሰሩበት ወቅት ነበር።

በመግረብ አካባቢ የሚንቀሳቀሰው አልቃ ኢዳ ጥንዶቹን መያዙን እና ከህዝብ በደረሰበት ጫና ምክንያት ሴቷን ያለቅዶመ ሁኔታ መልቀቁን ገልጾ ነበር።

"የ88 አመቱ ዶክተር ኢሎት አሁን ላይ ጥንካሬ ለማምጣት እና እረፍት ለማድረግ ግዜ ይፈልጋሉ" ብለዋል ቤተሰቦቻቸው።