ቼልሲዎች ፖርቹጋላዊው የአትሌቲኮ ማድሪድ አጥቂ ጆአዎ ፊሊክስን አስፈረሙ

ጆአዎ ፊሊክስን ከዲያጎ ሲሞኔ ጋር ባለው አስቸጋሪ ግንኙነት ክለቡን ለመልቀቅ ተገዷል

ቼልሲዎች በማንችስተር ይናይትድ እና አርሰናል ሲፈለግ የነበረውን ፖርቱጋላዊ የአትሌቲኮ ማድሪድ አጥቂ ጆአዎ ፊሊክስን በ11 ሚሊዮን ዩሮ አስፈርመዋል፡፡

ፖርቱጋላዊው አጥቂ ከቤኖይት ባዲያሺሌ፣ ዴቪድ ዳትሮ ፎፋና እና አንድሬ ሳንቶስ ቀጥሎ የቼልሲ አራተኛው የጥር ወር ፈራሚ ሆኗል።

 አትሌቲኮም ፌሊክስ ከዲያጎ ሲሞኔ ጋር በነበረው አስቸጋሪ ግንኙነት ምክንያት እንዲለቅ ፈቅዶለታል፡፡

በዚህም የሰማያዊዎቹ አለቃ ግሬሃም ፖተር ከፈቀዱ ፌሊክስ ሀሙስ ምሽት በፉልሃም በሚደረገው የምእራብ ለንደኑ ደርቢ ጨዋታ ላይ የመጀመርያ ጨዋታውን የሚያደርግ ይሆናል ሲል ስካይ ስፖርት ዘግቧል፡፡

ፖተር "ፈሊክስ ወጣት ቢሆንም ጥሩ ልምድና ብቃት ያለው ተጫዋች ነው፤ በተቀሩት የሊጉ ሶስተኛ ዙር ጨዋታዎች ላይ ለውጥ ሊያመጣ ይችላል" ሲሉ ፖርቹጋላዊውን ኮከብ አሞካሽተውታል፡፡

ፈሊክስ ከቡድን አጋሮቹ ጋር ልምምድ መጀመሩን የተናገሩት ፖተር መች መጫወት ይጀምራል ለሚለው ጉዳይ ቁርጥ ያለ ነገር ከመናገር ተቆጥበዋል፡፡

ከዲያጎ ሲሞኑ ጋር መስማማት አቅቶት ከስፔን ወደ እንግሊዝ ያቀናው ፌሊክስ ከስፔኑ ክለብ አትሌቲኮ ጋር ያለውን ኮንትራት በአንድ አመት ማራዘሙ ይታወቃል፡፡