የእንግሊዝ ፕሪሚየር ሊግ ኮኮብ ተጫዋች ሽልማትን ማን ሊወስድ ይችላል?

በ2023/24 የውድድር ዓመት አርሰናል እና ማንችስተር ሲቲ እያንዳንዳቸው ሁለት ተጫዋቾችን በእጩነት ተመርጠዋል

የእንግሊዝ ፕሪሚየር ሊግ ኮኮብ ተጫዋች ሽልማትን ማን ሊወስድ ይችላል?

ተወዳጁ የእንግሊዝ ፕሪሚየር ሊግ ሊጠናቀቅ ጥቂት ጨዋታዎች እየቀሩትም የሊጉ አሸናፊ እስካን አልታወቀም፡፡

የዋንጫው አሸናፊ እስከ መጨረሻው የሊጉ መዝጊያ ጨዋታ ድረስ ሊዘልቅ እንደሚችል የሚገመት ሲሆን አርሰናል እና የአምናው አሸናፊ ማንችስተር ሲቲ ፉክክራቸውን ቀጥለዋል፡፡

እየተጠናቀቀ ባለው በ2023/24 የውድድር ዓመት ምርጥ ተጫዋቾች እና አሰልጣኞች ሽልማትን ለመውሰድ የሊጉ አወዳዳሪ አካል ዕጩዎችን ይፋ አድርጓል፡፡

በዚህም መሰረት በዓመቱ ምርጥ ተጫዋች ዝርዝር ውስጥ ፊል ፎደን ፣ ኤርሊንግ ሀላንድ ፣ አሌክሳንደር አይሳክ ፣ ማርቲን ኦዴጋርድ፣ ኮል ፓልመር ፣ ዴክላን ራይስ ፣ ኦሊ ዋትኪንስ እና የሊቨርፑሉ ተከላካይ ቫን ዳይክ ተካተዋል።

በወጣት ምርጥ ተጫዋች ዝርዝር ውስጥ ደግሞ ስምንት ተጫዋቾች ሲመረጡ ፊል ፎደን ፣ ኤርሊንግ ሀላንድ ፣ አሌክሳንደር አይሳክ ፣ ኮቢ ማይኖ ፣ ኮል ፓልመር ፣ ቡካዮ ሳካ ፣ ዊሊያም ሳሊባ እና የቶትንሀም ሆትስፐሩ ኡዶጊ በእጩነት ቀርበዋል።

መስማት ለማይችሉ የእግር ኳስ ደጋፊዎች ልዩ ማልያ ተሰራ

በዓመቱ የእንግሊዝ ፕሪምየር ሊግ ምርጥ አሰልጣኞች ዝርዝር ውስጥ ማይክል አርቴታ ከአርሰናል፣ ኡናይ ኤምሪ ከአስቶን ቪላ፣ ፔፕ ጓርዲዮላ ከማንቸስተር ሲቲ፣ አምዶኒ ኢራኦላ ከበርንማውዝ እንዲሁም ሊቨርፑልን እንደሚለቁ ያሳወቁት ጀርገን ክሎፕ ተካተዋል፡፡

በምርጥ አሰልጣኝ ዘርፍ የሊጉን ዋንጫ የሚያሸንፈው ማለትም ከአርሰናል እና ማንችስተር ሲቲ አሰልጣኝ የመሆን እድሉ ሰፊ ይሆናል የተባለ በዓመቱ ምርጥ ተጫዋች ዘርፍ ደግሞ አርሊንግ ሀላንድ 14 በመቶ፣ ቡካዮ ሳካ 12 በመቶ፣ ፊል ፎደን 11 በመቶ እንዲሁም ኮል ፓልመር ደግሞ 11 በመቶ የማሸነፍ እድል እንዳላቸው ቢቢሲ ዘግቧል፡፡

አርሰናል ከሜዳው ውጪ ማንችስተር ዩናይትድን የፊታችን እሁድ የሚገጥም ሲሆን አርሰናል በዚህ ጨዋታ ነጥብ ከጣለ ሲቲ ፉልሀምን የሚያሸንፍ ከሆነ ለዋንጫው የበለጠ ይቀርባል፡፡