ሳዳም ሁሴን በስቅላት እንዲገደሉ የፈረዱት ዳኛ ህይወት አለፈ

መሀመድ አሪቢ መጂድ በኮሮና ቫይረስ ምክንያት ነው ህይወታቸው ያለፈው ተብሏል

በቀድሞው የኢራቅ ፕሬዝዳንት ሳዳም ሁሴን ላይ የሞት ፍርድ ያስተላለፉት ዳኛ በኮሮና ቫይረስ ህይወታቸው አለፈ።

የኢራቅ ከፍተኛ ፍርድ ቤት ምክር ቤት ባወጣው መግለጫ ዳኛ መሀመድ አሪቢ መጂድ በኮሮና ቫይረስ ምከንያት ህይወታቸው አልፏል።

የቀድሞው ኢራቅ ፕሬዝዳንት ሳዳም ሁሴን የኒውክሌር ጦር አላቸው በሚል በአሜሪካ እና እንግሊዝ ጥምር ጦር አማካኝነት በተደረገ ዘመቻ መንግስታቸው መፍረሱ ይታወሳል።

በመጨረሻም ሳዳም ሁሴን ታህሳስ 1998 ዓ/ም ከተደበቁበት ዋሻ ተይዘው በፍርድ ቤት ትዕዛዝ የሞት ፍርድ ተላልፎባቸው በባግዳድ በስቅላት መገደላቸው አይዘነጋም።

ሳዳም ሁሴን በተከሰሱበት የዘር ማጥፋት ወንጀል እና የሰብዓዊ መብት ጥሰት ጥፋተኛ ናቸው በሚል የሞት ፍርድ ያስተላለፉት ዳኛ መሀመድ አሪቢ በተወለዱ በ52 ዓመታቸው በኮሮና ቫይረስ ምክንያት ህይወታቸው ማለፉ ተገልጿል።