በኢትዮጵያ በብዛት የሚዘወተረው ቶዮታ መኪና በሀገር ውስጥ እንዲገጣጠም ጥያቄ ቀረበ

የቶዮታ ኩባንያ ጥቄውን በመቀበል በኢትዮጵያ ኢንቨስት ለማደረግ ፍላጎት አሳይቷል

በኢትዮጵያ በብዛት የሚዘወተረው ቶዮታ መኪና በሀገር ውስጥ እንዲገጣጠም ጥያቄ መቅረቡን የኢንዱስትሪ ሚኒስቴር አስታወቀ።

በኢንዱስትሪ ሚኒስትር በአቶ መላኩ አለበል የሚመራ ከፍተኛ የኢትዮጵያ አመራሮች የልዑካን ቡድን ወደ በጃፓን ጉብኝት ማድረጉን የኢንዱስትሪ ሚኒስቴር በማህበራዊ ትስስር ገጹ ባወጣው መረጃ አስታውቋል።

• በኤሌክትሪክ ተሽከርካሪ ላይ የታክስ ማሻሻያ ተግባራዊ መደረጉን የገንዘብ ሚኒስቴር ገለፀ

ልዑካን ቡድኑ በጃፓን ሀገር ከሚገኙ የልማት አጋሮች ጋር ውይይቶች እና የተቋማት ጉብኝት ተደርጓል።

በዚህም የቶዮታ ኩባያን የጎበኙ ሲሆን፤ ከኩባያው አመራሮች ጋር መወያየታቸውንም ሚኒስቴሩ አስታውቋል።

በውይይቱም ቶዮታ ኩባንያ በኢትዮጵያ ውስጥ ኢንቨስት እንዲያደርግ በተለይም አውቶሞቢል መገጣጠም ላይ እንዲሰማራ በኢንዱስትሪ ሚኒስትር በአቶ መላኩ አለበል ጥያቄ ቀርቦለታል።

የቶዮታ ኩባያም ከኢትዮጵያ የቀረበለትን ጥያቄ በመቀበል ኢንቨስት ለማደረግ ፍላጎት እንዳለው ማሳየቱንም ሚኒስቴሩ አስታውቋል።

• በኢትዮጵያ የኤሌክትሪክ መኪናዎችን መገጣጠም ሊጀምር መሆኑን ግሪን ቴክ አፍሪካ ገለፀ

በሌለ በኩል የቶዮታ ኩባንያ የአውቶሞብል የኢንዱስትሪ ምርታማነትን ለማሳደግ የሚያስችሉ ስልጠናዎችን ላይ ከኢትዮጵያ ጋር በጋራ ለመስራት ከስምምነት መድረሱ ተነግሯል።

በኢንዱስትሪ ሚኒስትር በአቶ መላኩ አለበል የተመራው ልዑክ በቆይታው የጃፓን ምርታማነት ማዕከል (JPC)፤ የጃፓን ሳይንቲስቶች እና ማሃንዲሶች ማህበር (JUSE) እንዲሁም የቶዮታ ኩባንያ ተቋማት መጎብኘቱ ተገልጿል።