የዶናልድ ትራምፕ 'ትሩዝ ሶሻል' አዲስ ማህበራዊ ሚዲያ በተጠቃሚዎች ብዛት መጨናነቁ ተገለፀ

'ትሩዝ ሶሻል' መተግበሪያ ከትዊተር ጋር ተመሳሳይነት አለው ተብሏል

የቀድሞው የአሜሪካ ፕሬዝዳንት ዶናልድ ትራምፕ 'ትሩዝ ሶሻል' የተባለ አዲስ ማኅበራዊ ትስስር ድረ ገጽ ከትናንት ጀምሮ በአሜሪካ ለአፕል ተጠቃሚዎች በአፕ ስቶር ላይ ተለቋል።

'ትሩዝ ሶሻል' የተባለው አዲስ ማኅበራዊ ትስስር ገጽ ከትዊተር ጋር ተመሳሳይነት አለው የተባለ ሲሆን፤ መተግበሪያውም በበርካታ ሰዎች ዳወንሎድ በመደረግ ላይ መሆኑ ታውቋል።

• የዶናልድ ትራምፕ 'ትሩዝ ሶሻል' የተባለ አዲስ ማኅበራዊ ሚዲያ ለተጠቃሚዎች እንደሚለቀቅ ተገለፀ

ሆኖም ግን መተግበሪያውን ያወረዱ ሰዎች ገበጹ ላይ ለመመዝገብ እየተቸገሩ መሆኑን ተናግረዋል።

ለመመዝገብ ከሚሞክሩ ሰዎች ውስጥ ለተወሰኑት ሰዎች፤ “ከፍተኛ የፈላጊዎች ቁጥር በመኖሩ ምክንያት በተጠባባቂ ዝርዝር ውስጥ አካተኖታል” የሚል መልእክት እንደደረሳቸው አስታውቀዋል።

የትሩዝ ሶሻል ፕሮጀክት ስራ አስኪያጅ የቀድሞ ክንግረስማን ዴቪን ኑንሰ፤ ትሩዞ ሶሻል እስከ መጋቢት ወር መጨረሻ ድረስ በሙሉ አቅሙ ወደ ስራ እንደሚገባ አስታውቀዋል።

ትሩዝ ሶሺያል የማህበራወ ትስስር መለቀቅ ከአንድ ዓመት በላይ ከግዙፎቹ የማህበራዊ ትስስር ድረ ገጽ ታግደው የቆዩት የቀድሞው የአሜሪካ ፕሬዝዳንት ዶናልድ ትራምፕ ወደ መድረኩ እንዲመለሱ አስችሏቸዋል።

የዶናልድ ትራምፕ ልጅ ባለፍነው ሳምንት አባቱ በአዲሱ ገጽ ላይ ያሰፈሩትን የመጀመሪያ መልእክት ፎቶ ግራፍ በማህበራዊ ትስስር ገጹ ላይ አጋርቷል።

የቀድሞው የአሜሪካ ፕሬዝዳንት ዶናልድ ትራምፕ 'ትሩዝ ሶሻል' ላይ ያሰፈሩት የመጀመሪያ መልእክትም “ተወዳጁ ፕሬዝዳንታችሁ ብቅርቡ ያገኛቹዋል፤ ተዘጋጁ” የሚል ነው።

የቀዶሞ የአሜሪካ ፕሬዚዳንት ዶናልድ ትራምፕ ባሳለፍነው የፈረንጆቹ 2021 ጥር ወር ከዋሽንግተን ዲሲው የካፒቶል ሂል ጥቃት ጋር በተያያዘ ከትዊተር፣ ፌስቡክ እና ዩትዩብ መታገዳቸው ይታወሳል።

ይህንን ተከትሎም ዶናድ ትራምፕ የሚመሩት ትራምፕ ሚዲያ እና ቴክኖሎጂ ቡድን (ቲ.ኤም.ቲ.ጂ) 'ትሩዝ ሶሻል' የተባለ አዲስ ማኅበራዊ ሚዲያ ወደ መስራት መግባቱ ታውቋል።

• የቀድሞው የአሜሪካ ፕሬዝዳንት ትራምፕ አዲስ የማህበራዊ ትስስር ገጽ ይፋ አደረጉ

ቲኤምቲጂ በፍላጎት መሠረት የሚሠራው 'ትሩዝ ሶሻል' የቪዲዮ አገልግሎት የመዝናኛ ፕሮግራምን፣ ዜናዎችን፣ ፖድካስቶችን እና ሌሎችንም ያሳያል ተብሏል።

'ትሩዝ ሶሻል' እስካሁን ካሉት የማህበራዊ ትስስር ድረ ገጽ እና መተግበሪያዎች በተሸለ የሰዎችን ሀሳብን በነጻነት የመግለጽ ነጻነት ይጠብቃል ተብሏል።

ዶናልድ ትራምፕ አዲስ የሚከፍቱት የማህበራዊ ሚዲያ ፕላፎርም በማህበራዊ ሚዲያው ገበያው በጣም ተፈላጊ እና ጨዋታ ቀያሪ እንደሚሆንም ይጠበቃል።