የአረብ ኢሚሬትስ ፕሬዝዳንት ሼክ መሃመድ ቢን ዛይድ በኳታር ጉብኝት እያደረጉ ነው

በጉብኝቱ ወቅት የሁለቱን ሀገራት ግንኙት የሚያሳድጉ ስምምነቶች እንደሚደረሱ ይጠበቃል

የአረብ ኢሚሬትስ ፕሬዝዳንት ሼክ መሃመድ ቢን ዛይድ ይፋዊ የስራ ጉብኝት ለማድረግ በዛሬው እለት ኳታር ዶኃ ገብቷል።

ሼክ መሃመድ ቢን ዛይድ ዶሃ ሲደርሱም የኳታር ኤሚር ሼክ ታሚም ቢን ሃሚድ አቀባበል እንዳደረጉላቸው የኳታር የዜና አገልግሎት ዘግቧል።

ሼክ መሃመድ ቢን ዛይድ ወደ ኳታር ያቀኑት በኳታር ኤሚር ሼክ ታሚም ቢን ሃሚድ ግብዣ መሆኑም በዘገባው ተመላክቷል።

የአረብ ኢሚሬትስ ፕሬዝዳንት ሼክ መሃመድ ቢን ዛይድ ሃማድ ዓለም አቀፍ አውሮፕላን ማረፊያ ሲደርሱም በርካታ የኳታር ሼኮች እና ባለስልጣኖች አቀባበል አድርገዋል።

በአቀባበሉ ላይ ከተገኙ ባለስልጣናት መካከል ሼክ ጃሲም ቢን ሃማድ አልታኒ የአሚሩ የግል ተወካይ ፣ ምክትል ጠቅላይ ሚኒስትር እና የውጭ ጉዳይ ሚኒስትር ሼክ መሀመድ ቢን አብዱራህማን አል ታኒ እና የኢሚሪ ፍርድ ቤት ኃላፊ ሼክ ሳኡድ ቢን አብዱል ራህማን አል ታኒ ይገኙበታል።

በኳታር ይፋዊ የስራ ጉብኝት የጀመሩት ሼክ መሀመድ ቢን ዛይድ አል ናህያን ቆይታቸው ከኳታር አሚር ሼክ ታሚም ቢን ሃማድ አል ታኒ ጋር የሚወያዩ ሲሆን፤ የሁለቱን ሀገራት ግንኙት የሚያሳድጉ ስምምነቶች እንደሚደረሱ ይጠበቃል።