በባክሙት በተደረገ ጦርነት በመቶዎች የሚቆጠሩ ወታደሮች መገደላቸው ተገለጸ

ሩሲያ እና ዩክሬን በባክሙት ጦርነት አንዳቸው የሌላቸውን በመቶ የሚቆጠሩ ወታደሮች መግደላቸውን ገልጸዋል

ሩሲያ እና ዩክሬን በባክሙት ባደረጉት ጦርነት አንዳቸው የሌላቸውን በመቶ የሚቆጠሩ ወታደሮች መግደላቸውን ገልጸዋል።

• የሩሲያ መከላከያ ሚኒስትር በዩክሬን የሚገኙ ወታደሮቻቸውን ጎብኙ

ኪየቭ ያልተቋረጡ የሩሲያ ጥቃቶችን በመከላከል እና ከተማዋን ለሁለት የሚከፍለውን ትንሽ ወንዝ አዲሱ ግንባር አድርጋዋለች።

የዩክሬን ወታደራዊ ቃል አቀባይ ሰርሂ ቼሬቫቲ እንደተናገሩት በባክሙት 221 የሞስኮ ደጋፊ ወታደሮች ሲገደሉ ከ300 በላይ ቆስለዋል።

የሩሲያ የመከላከያ ሚኒስቴር እንዳስታወቀው በግንባሩ ሰፊው የዶኔትስክ ክፍል እስከ 210 የሚደርሱ የዩክሬን ወታደሮች ተገድለዋል።

ሩሲያ በባክሙት ጦርነት የደረሰውን ሞት ባትገልጽም፣ አሁን ምድረ በዳ የሆነችው ምስራቃዊ ዶኔትስክ ከተማ ለዓመት ከዘለቀው ጦርነት ደም አፋሳሽ እና ረጅሙ ጦርነቶች መካከል አንዷ ነች።

ሁለቱም ወገኖች በባክሙት ከባድ ጉዳት ማድረሳቸውን መግለጻቸውን ሮይተርስ ዘግቧል።

የብሪታንያ ወታደራዊ መረጃ ቅዳሜ እለት እንዳስታወቀው የሩሲያው ዋግነር ቅጥረኛ ቡድን አብዛኛው ምስራቃዊ የባክሙትን ክፍል መቆጣጠሩን የቡድኑ መስራች ኢቭጄኒ ፕሪጎዝሂን ረቡዕ እለት ተናግሯል።

የብሪታኒያ መከላከያ ሚኒስቴር በየእለቱ በሚወጣው የስለላ መግለጫው ላይ “በከተማው መሃል የባክሙትካ ወንዝ አሁን የግንባር ቀደምነቱን ምልክት አድርጓል።

ዩክሬን በባክሙት የመከላከል እርምጃዋን እንደቀጠለች እና ለሩሲያ ጦር ሃይሎች ጥሩ ምላሽ እየሰጠች ነው ስትል የባክሙትን የመከላከል ሀላፊ አዛዡ የዩክሬን የመልሶ ማጥቃት መከላከያ ቁልፍ እንደሆነ ተናግሯል።

ወታደራዊው ኮሎኔል ጄኔራል ኦሌክሳንደር ሲርስኪ ቅዳሜ እለት እንደተናገሩት "መጠባበቂያ ክምችት ለመሰብሰብ እና ለመልሶ ማጥቃት ለመጀመር ጊዜ ማግኘት አስፈላጊ ነው፤ይህም ሩቅ አይደለም።"

ሩሲያ ባክሙትን የምትቆጣጠር ከሆነ ዋና ኢላማ የሆነውን የዶንባስን የኢንዱስትሪ ክልል በሙሉ ለመያዝ እርምጃ እንደሚሆን ተናግራለች። 

ኪየቭ ጦርነቱ የሩሲያን ምርጥ የውጊያ ክፍሎች እያዳከመ ነው ብላለች።