የያዝነው አስር ዓመት ለአየር ንብረት ለውጥ ወሳኝ ጊዜ እንደሆነ ተገለጸ

በፈረንጆቹ 2030 ላይ ወደ ከባቢ አየር የሚለቀቀውን ካርበን ለመቀነስ የተያዘውን እቅድ ለማሳካት ያለንበት ጊዜ ወሳኝ ነው ተብሏል

የያዝነው አስር ዓመት ለአየር ንብረት ለውጥ ወሳኝ ጊዜ እንደሆነ የተባሩት ምንግስታት ድርሀት አስታወቀ።

በተመድ የኮፕ28 አየር ንብረት ለውጥ ጉባኤ መሪ የሆኑት ራዛን አል ሙባረክ እንዳሉት የአየር ንብረት ለውጥን ለመከላከል ውጤታማ እና በበጎ ፈቃድ ላይ የተመሰረተ ጥረት ያስፈልጋል ብለዋል።

• የኮፕ 28ን ስኬት ለማረጋገጥ 'የነባር ህዝቦች' አስተዋጾ ወሳኝ ነው- ሱልጣን አል ጃበር
• አፍሪካ ለኮፕ 28 ጉባዔ ስኬት ሙሉ ድጋፍ እሰጣለሁ አለች

ራዛን አል ሙባረክ በጀርመን ቦን ከተማ እየተካሄደ ባለው የአየር ንብረት ለውጥ ጉባኤ ያለንበት ወቅት የአየር ንብረት ለውጥ ጥያቄዎችን ከመመለስ አንጻር ዋነኛው ነው ብለዋል።

በፈረንጆቹ 2030 ላይ ወደ ከባቢ አየር የሚለቀቀውን ካርበን ለመቀነስ የተያዘውን እቅድ ለማሳካት ያለንበት ጊዜ ዋነኛው መሆኑንም አክለዋል።

በተመድ የአየር ንብረት ለውጥ ጉባኤ አንድ አካል የሆነው ይህ የቦን ከተማ ጉባኤ የፊታችን ህዳር በአረብ ኢምሬት ለሚካኬደው ዓለም አቀፍ ጉባኤ የውሳኔ ሀሳቦች የሚቀርቡበትም ነው ተብሏል።

በቦኑ ጉባኤ በተለይም በአየር ንብረት ለውጥ ምክንያት የደረሱ ጉዳቶች እና ካሳ ክፍያን በሚመለከት የመጨረሻ የውሳኔ ሀሳብ መስጠት፣ በቀጣይ የአየር ንብረት ለውጥ ጉዳትን መቀነስ የሚያስችሉ አዳዲስ እርምጃዎች የሚቀርቡበት እንደሚሆንም ተገልጿል።