የቡድን ሰባት አባል ሀገራት፤ ሩሲያ ዛፖሪዥያ የኒውክለር ጣቢያን ለዩክሬን ልትሰጥ ይገባል አሉ

ሞስኮ፤ በጉዳዩ ላይ ማብራሪያ እንዲሰጣትም ጠይቃለች

ሩሲያ፤ የዛፖሪዥያ ኒውክለር ጣቢያን፤ ለዩክሬን አሳልፋ ልትሰጥ እንደሚገባ የቡድን ሰባት አባል ሀገራት ጠየቁ።

የሀገራቱ የውጭ ጉዳይ ሚኒስትሮች፤ በዛፖሪዥያ ያለውን የኒውክለር ጣቢያ መያዝና መቆጣጠር ያለባት ዩክሬን ናት ብለዋል።

• ሩሲያ፤ የዩክሬን ጦር በግዙፉ “ዛፖሪዥያ ኒውክሌር ጣቢያ” ላይ ተኩስ ከፍቷል ስትል ከሰሰች

ሚኒስትሮቹ የዓለም አቀፉ አቶሚክ ኢነርጂ ፤ የኒውክለር መሳሪያዎችን ደህንነት ለመጠበቅ ለሚያደርገው ጥረት ድጋፍ እንደሚያደርጉም ገልጸዋል።

ምንም እንኳን የቡድን ሰባት አባል ሀገራት ሞስኮ በዛፖሮዝሂ ያለውን የኒውክለር ጣቢያ እንዳትቆጣጠርና ለዩክሬን አሳልፋ እንዲሰጥ ቢጠይቁም ሩሲያም ሌላ ቅሬታ አሰምታለች።

ሞስኮ፤ የተባበሩት መንግስታት ድርጅት የጸጥታው ጥበቃ ምክር ቤት፤ በኒውክለር ጣቢያው ዙሪያ ስብሰባ እንዲያደርግ ጠርታለች።

በተባበሩት መንግስታት ድርጅት የሩሲያ ቋሚ መልዕከተኛ ጽ/ቤት፤ የጸጥታው ጥበቃ ምክር ቤት አባል ሀገራት በዛፖሪዥያ ኒውክለር ጣቢያ ዙሪያ ስብሰባ እንዲያደርጉ ጥሪ ማቅረቡ ተሰምቷል።

በዚህ ስብሰባ ላይም ዓለም አቀፉ የአቶሚክ ኢነርጂ ኤጀንሲ እና የተባበሩት መምግስታት የኒውክለር ተቆጣጣሪ ማብራሪያ እንዲሰጧት ሞስኮ ጠይቃለች።

ዩክሬን በኒውክለር ጣቢያው ላይ የድሮን ጥቃት እያደረገች ነው ስትል ሞስኮ ብትከስም፤ ዩክሬን ግን ይህንን አስተባብላለች። ዩክሬን በበኩሏ ሩሲያ የኒውክለር ጣቢውን በመጠቀም ትቃት እየሰነዘረች ነው ስትል ትከሳለች።

• ሩሲያ በግዝፈቱ ሁለተኛ የሆነውን የዩክሬን የኃይል ጣቢያ ተቆጣጠረች

የዩክሬን ብሔራዊ የደህንነት ምክር ቤት፤ሩሲያ የኒውክለር ጣቢያውን ለወታደራዊ ምሽግ እየተጠቀመች ነው ሲል ወቅሷል። የሩሲያ ከባድ መሳሪያዎች እና ወታደራዊ ሰዎች በዛፖሪዥያ የኒውክለር ጣቢያ መኖራቸውንም ዩክሬን ገልጻለች።

የቡድን አባት አባል ሀገራት የዛፖሪዥያ የኒውክለር ጣቢያን በሚመለከት ከፍተኛ ስጋት ውስጥ እንዳሉ ገልጸዋል።