ሸህባዝ ሻሪፍ የፓኪስታን ጠቅላይ ሚኒስትር ሆነው ተመረጡ

አዲሱ ተመራጭ ጠቅላይ ሚኒስትር ጥቅምት 2023 ድረስ በስልጣን ላይ ይቆያሉ ተብሏል

የቀድሞው የፓኪስታን ጠቅላይ ሚኒስትር ናዋዝ ሻሪፍ ታናሽ ወንድም የሆኑት ሸህባዝ ሻሪፍ አዲሱ የፓኪስታን ጠቅላይ ሚኒስትር ተደርገው በሀገሪቱ ህግ አውጪ ምክር ቤት ተሹመዋል።

የፓኪስታኑ ጠቅላይ ሚንስትር ኢምራን ካሃን በሀገሪቱ ፓርላማ የመተማመኛ ድምፅ በማጣታቸው ከትናንት በስቲያ ከስልጣን መነሳታቸው ይታወሳል።

በጠቅላይ ሚኒስትር ኢምራን ካሃን አመራር ላይ የመተማመኛ ድምጽ የመስጠት ሂደት የተካሄደው ከትናንት በስቲያ እኩለ ሌሊት ላይ ሲሆን፤ ድምጽ የተሰጠው ተቃዋሚዎቻው በእርሳቸው ላይ ሞሽን ካቀረቡ በኋላ መሆኑ ተገልጿል።

• የፓኪስታን ጠቅላይ ሚኒስትር ኢምራን ካሃን ከስልጣናቸው ተነሱ

የመተማመኛ ድምጽ እንዲሰጥ የሚጠይቀው ሞሽን ባሳለፍነው ሳምንት ቀርቦ የነበረ ሲሆን፤ ጠቅላይ ሚኒስትሩ ቀደም ብላው ፓርላማውን በመበተናቸው ሳይካሄድ ቆይቶ ነበረ።

የሀገሪቱ ከፍተኛ ፍድር ቤት ጠቅላይ ሚኒስትር ኢምራን ካሃን ከህገ መንግስቱ ውጪ ፓርላማውን በትነዋል በሚል ውሳኔያቸውን ውድቅ ማድረጉት ተክሎም ፓርላማው ተሰብስቦ ድምጽ ሰጥቷል።

ይህንን ተከትሎም ኢምራን ካሃን በፓርላማው የመተማመኛ ድምጽ በማጣታቸው ከጠቅላይ ሚኒስትርነታቸው ተነስተዋል።

ኢምራን ካሃን በፓኪስታን ታሪክ የመተማመኛ ድምጽ በማጣት ከስልጣናቸው የተነሱ የመጀመሪያው ጠቅላይ ሚኒስትር መሆናውም ተዘግቧል።

የፓኪስታን ፓርላማ ኢምራን ካሃንን ተክተው ጠቅላይ ሚኒስትር የሚሆኑትን ሰው ዛሬ መርጧል።

• ፓኪስታን በጠቅላይ ሚኒስትር ኢምራን ካሃን ጥያቄ ፓርላማዋን በተነች

በኢምራን ካሃን ቦታ የተመረጡት ሸህባዝ ሻሪፍ በሀገሪቱ ምርጫ እስከሚደረግበት የፈረንጆቹ ጥቅምት 2023 ድረስ በስልጣን ላይ ይቆያሉ ተብሏል።

የፓኪስታኑ ጠቅላይ ሚኒስትር ኢምራን ካሃን ባሳለፍነው ቅዳሜት “ተቃዋሚዎቼ ከአሜሪካ ጋር እያሴሩ ሊገለብጡኝ ነው” ማለታቸው ይታወሳል።