ጠቅላይ ሚኒስትሩ ለኢጋድ ልዩ የመሪዎች ጉባዔ ጅቡቲ ናቸው
ለኢጋድ ልዩ የመሪዎች ጉባዔ ጅቡቲ የሚገኙት ጠቅላይ ሚኒስትር ዐቢይ አህመድ ከጉባዔው ጎን ለጎን ከሱዳኑ ጠቅላይ ሚኒስትር አብደላ ሃምዶክ ጋር መምክራቸውን አስታወቁ፡፡
ጠቅላይ ሚኒስትሩ በሁለትዮሽ እና ከሰሞነኛው የአዲስ አበባ ውይይት በቀጠሉ ሌሎች ጉዳዮች ላይ መምከራቸውን አስታውቀዋል፡፡
ዶ/ር ዐቢይ ከሶማሊያው ፕሬዝዳንት ሞሃመድ አብዱላሂ ፋርማጆ ጋር መምከራቸውንም ገልጸዋል፡፡
በወቅታዊ ቀጣናዊ ጉዳዮች እና በቀጣናዊው ተቋም (ኢጋድ) አባል ሃገራት መካከል ያለውን ትብብር ማጠናከር ስለሚቻልበት ሁኔታ ማውጋታቸውንም በትዊተር የማህበራዊ ገጻቸው አስታውቀዋል፡፡
38ኛው የምሥራቅ አፍሪካ የልማት በይነ መንግስታት (ኢጋድ) አባል ሀገራት መሪዎች ልዩ ጉባዔ ዛሬ በጅቡቲ መጀመሩ ይታወሳል።
